Rasija vyvodzić častku vojskaŭ z Ukrainy z-za bajoŭ u Kurskaj vobłaści
Kolkaść vojskaŭ, jakija pierakidvaje rasijskaje kamandavańnie, amierykanskija čynoŭniki nie nazyvajuć, piša The Wall Street Journal.
Rasija vyvodzić častku vojskaŭ z akupavanych terytoryj Ukrainy praz nastup USU ŭ Kurskaj vobłaści. Pra heta vydańniu The Wall Street Journal paviedamili amierykanskija čynoŭniki, piša «Mieduza».
Adnak jany nie nazvali kolkaść pierakidanych vojskaŭ, a taksama napramki, ź jakich rasijskaje kamandavańnie zdymaje padraździaleńni.
Napiaredadni krynica ŭ Hienštabie USU paviedamiła The Economist, što Rasija pierakidvaje ŭ Kurskuju vobłaść častku vojskaŭ z Charkaŭskaha kirunku. Pry hetym z frontu na Danbasie rasijanie pakul vojski nie zdymajuć.
Ministr abarony Litvy Łaŭrynas Kaščunas na sustrečy z Uładzimiram Zialenskim 13 žniŭnia zajaviŭ, što Rasija pierakidvaje ŭ Kurskuju vobłaść vojski z Kalininhrada.
«My navat nazyvajem heta «demilitaryzacyjaj» Kalininhrada, jakaja adbyvajecca dziakujučy advazie vašych vajskoŭcaŭ, dziakujučy vašym rašeńniam», — rastłumačyŭ Kaščunas.
Jon zaklikaŭ krainy Zachadu dazvolić Ukrainie vykarystoŭvać dalnabojnuju zbroju na terytoryi Rasii.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam34
Kamientary