U Kazachstanie raskazali, jak kraina vykonvaje sankcyi suprać Rasii
Kazachstan maje namier u pytańni vykanańnia sankcyj suprać Rasii stavić u asnovu ŭłasnyja intaresy, zajaviŭ u intervju ahienctvu Bloomberg namieśnik premjer-ministra krainy Sieryk Žumanharyn. Ale heta nie aznačaje, što kazachi ŭvohule nie buduć źviartać uvahi na nakładzienyja abmiežavańni.
Raniej vysokapastaŭlenyja čynoŭniki Kazachstana nie vystupali suprać abmiežavańniaŭ publična, adznačaje vydańnie, choć i nie padtrymlivali sankcyi ZŠA ŭ suviazi z uvarvańniem va Ukrainu.
I ciapier Žumanharyn daŭ zrazumieć, što Kazachstan moža rabić vyklučeńni, ale ŭ cełym praviły ŭsio ž buduć vykonvacca, pakolki kraina «nie vystaić» pad druhasnymi abmiežavańniami, nakładzienymi zachodnimi krainami.
Adnak pakolki Kazachstan nie maje vychadu da mora, to vymušany šukać bałans pamiž vykanańniem sankcyj suprać susiedziaŭ i ŭłasnaj izalacyjaj. «Jak kraina, my pavinny niejak žyć», — zajaviŭ Žumanharyn.
Čynoŭnik adznačyŭ, što niekatoryja z zachadaŭ, nakiravanych na abmiežavańnie dostupu Rasiei da tavaraŭ, niepraparcyjna naškodzili Kazachstanu, a zachodnija ŭrady mała što zrabili dla kampiensacyi krainie paniesienych joju strat.
U jakaści prykładu palityk pryvioŭ kampaniju Eurasian Resources Group, jakaja na 40% naležyć Kazachstanu i paniesła straty ad zabarony na pastaŭki žaleznaj rudy ŭ Rasiju. Rasijski klijent pieraklučyŭsia na ŭnutranych pastaŭščykoŭ i prybytak, jaki moh by zastacca ŭ Kazachstanie, pierajšoŭ Rasii.
Taksama, pavodle słoŭ čynoŭnika, Kazachstan nie dałučyŭsia da zabarony na prodaž Rasii šarykapadšypnikaŭ, jakija majuć padvojnaje vajskovaje i cyvilnaje prymianieńnie, pakolki miascovaje pradpryjemstva vyrablaje ich pa śpiecyfikacyi, jakaja tradycyjna vykarystoŭvajecca tolki va Uschodniaj Jeŭropie i krainach byłoha SSSR.
Tamu, jak padkreśliŭ Sieryn Žumanharyn, jahonaja kraina «nie budzie ślepa prytrymlivacca sankcyj», kali jany zakranuć miascovyja kampanii, jakija źjaŭlajucca asnoŭnymi pracadaŭcami ŭ svaich rehijonach.
«My nie dapuścim, kab našym vytvorcam zabaranili handal», — zajaviŭ čynoŭnik.
Taksama jon adznačyŭ žyćciovuju nieabchodnaść pahłybleńnia handlovych suviaziaŭ z takimi krainami, jak Iran i Kitaj.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska1
Kamientary
A karajuć za heta ŭsio roŭna biełarusaŭ) Prosto nievierojatno! Čamu ž tak? Chto viedaje?