Свет22

У Казахстане расказалі, як краіна выконвае санкцыі супраць Расіі

Казахстан мае намер у пытанні выканання санкцый супраць Расіі ставіць у аснову ўласныя інтарэсы, заявіў у інтэрв'ю агенцтву Bloomberg намеснік прэм'ер-міністра краіны Серык Жумангарын. Але гэта не азначае, што казахі ўвогуле не будуць звяртаць увагі на накладзеныя абмежаванні.

Сталіца Казахстана Астана. Фота: Sheng Jiapeng/China News Service/VCG via Getty Images

Раней высокапастаўленыя чыноўнікі Казахстана не выступалі супраць абмежаванняў публічна, адзначае выданне, хоць і не падтрымлівалі санкцыі ЗША ў сувязі з уварваннем ва Украіну.

І цяпер Жумангарын даў зразумець, што Казахстан можа рабіць выключэнні, але ў цэлым правілы ўсё ж будуць выконвацца, паколькі краіна «не выстаіць» пад другаснымі абмежаваннямі, накладзенымі заходнімі краінамі.

Аднак паколькі Казахстан не мае выхаду да мора, то вымушаны шукаць баланс паміж выкананнем санкцый супраць суседзяў і ўласнай ізаляцыяй. «Як краіна, мы павінны неяк жыць», — заявіў Жумангарын.

Чыноўнік адзначыў, што некаторыя з захадаў, накіраваных на абмежаванне доступу Расеі да тавараў, непрапарцыйна нашкодзілі Казахстану, а заходнія ўрады мала што зрабілі для кампенсацыі краіне панесеных ёю страт.

У якасці прыкладу палітык прывёў кампанію Eurasian Resources Group, якая на 40% належыць Казахстану і панесла страты ад забароны на пастаўкі жалезнай руды ў Расію. Расійскі кліент пераключыўся на ўнутраных пастаўшчыкоў і прыбытак, які мог бы застацца ў Казахстане, перайшоў Расіі.

Таксама, паводле слоў чыноўніка, Казахстан не далучыўся да забароны на продаж Расіі шарыкападшыпнікаў, якія маюць падвойнае вайсковае і цывільнае прымяненне, паколькі мясцовае прадпрыемства вырабляе іх па спецыфікацыі, якая традыцыйна выкарыстоўваецца толькі ва Усходняй Еўропе і краінах былога СССР.

Таму, як падкрэсліў Серын Жумангарын, ягоная краіна «не будзе слепа прытрымлівацца санкцый», калі яны закрануць мясцовыя кампаніі, якія з'яўляюцца асноўнымі працадаўцамі ў сваіх рэгіёнах.

«Мы не дапусцім, каб нашым вытворцам забаранілі гандаль», — заявіў чыноўнік.

Таксама ён адзначыў жыццёвую неабходнасць паглыблення гандлёвых сувязяў з такімі краінамі, як Іран і Кітай.

Каментары2

  • ямі
    17.08.2024
    Судзячы па таму, як у Расеі ёсць айфоны, камп'ютары, новыя фільмы з расейскім дубляжом, дэталі для аўтамабіляў, транзакцыі, чыпы, працэсары і г.д. -- Казахстан санкцыі не выконвае ніяк.

    А караюць за гэта ўсё роўна беларусаў) Просто невероятно! Чаму ж так? Хто ведае?
  • Ботам
    17.08.2024
    ямі, Трымай санкцыі ў плечы бот, тваі дыктатары іх зарабілі і беларусы таксама за.

Цяпер чытаюць

Дык усё ж ці бяспечны Telegram і для якіх мэтаў бяспечны? Вось што ясна на сёння2

Дык усё ж ці бяспечны Telegram і для якіх мэтаў бяспечны? Вось што ясна на сёння

Усе навіны →
Усе навіны

Прэзідэнт Сербіі Вучыч упершыню з пачатку вайны наведаe Украіну1

Аўтобус з 22 пасажырамі, мікрааўтобус і легкавы аўтамабіль патрапілі ў ДТЗ на трасе М-1 у Баранавіцкім раёне. Ёсць загінулы1

Самы папулярны тыкток-блогер у свеце, які высмейвае бязглуздыя лайфхакі, выдвараны з ЗША як нелегал7

Нахабныя страсальшчыкі грошай на праезд у Мінску ўжо просяць перавод на картку2

У Магілёве ідзе спектакль 18+, які карыстаецца шалёнай папулярнасцю — гледачы прыязджаюць з іншых гарадоў10

Грузія пастрожыць правілы знаходжання замежнікаў, ажно да выдварэння1

Каго часцей за ўсё кусаюць камары? Даведаліся ў вучонага1

Жанчыну не пусцілі ў рэстаран «Паедзем, паядзім» з дзіцём, якое заснула ў вазку6

У Крычаве выканкам збірае данаты на новыя прыпынкі2

больш чытаных навін
больш лайканых навін

Дык усё ж ці бяспечны Telegram і для якіх мэтаў бяспечны? Вось што ясна на сёння2

Дык усё ж ці бяспечны Telegram і для якіх мэтаў бяспечны? Вось што ясна на сёння

Галоўнае
Усе навіны →

Заўвага:

 

 

 

 

Закрыць Паведаміць