Ahrapramysłovy siektar atrymlivaje kałasalnyja srodki ŭ vyhladzie inviestycyj, skazaŭ Alaksandr Łukašenka ŭ Pałacy Niezaležnaści na naradzie z uradam.
Pavodle jaho słoŭ, u krainie idzie čarhovaja madernizacyja ahrarnaj haliny. Heta ŭžo dało svoj stanoŭčy efiekt u vyhladzie pavieličeńnia nadojaŭ małaka na 6,5%, i vytvorčaści žyvioły i ptuški na 4,5%, piša BiełTA.
«Adnak za hetymi ličbami staić strašnaja kolkaść zahinułaha pahałoŭja», — panarakaŭ Alaksandr Łukašenka.
Pry hetym jon pryvioŭ danyja Kamiteta dziaržkantrolu, što tolki za paŭhoda ad chvarob zahinuła 70 tysiač hałoŭ, u tym liku amal 40 tysiač cialat.
«Heta aburalnaja biezhaspadarčaść. Kali kaliści ŭ mužyka ŭ vioscy karova hinuła, heta było trahiedyjaj suśvietnaha maštabu. Ciapier čamuści pryvykli chavacca za narmatyvami i standartami. Žudaść! Jakija jašče narmatyvy (asabliva ŭ Mahiloŭskaj vobłaści) pa padziežy žyvioły», — aburyŭsia Łukašenka.
Na jaho dumku, pavinien być tolki adzin standart u halinie — heta zdarovaja žyvioła ŭ dobrych umovach utrymańnia. Tady nie budzie śmierci žyvioły nijakaj. Hetaje pytańnie datyčycca i napaŭnieńnia małočna-tavarnych kompleksaŭ pahałoŭjem.
«Kaho my tam doim? Kali karovu, to čamu z kazinym udojem?» — cytuje Alaksandra Łukašenku BiełTA
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary
======
žal tolko biełta nie soobŝajet skolko dienieh iz karmanov prostych biełarusov tuda zakopano usilijami krepkich chaziajtvieńnikau))