«Jabaćka lejtenanta Šmita», jaki vadziŭ za nos milicyju i Saŭmin, trapiŭ u SIZA
Heta čałaviek litaraturnaha nachabstva. U 2020 recydyvist Siarhiej Aŭtuchovič źmianiŭ proźvišča na Zasłaŭski, naciahnuŭ čužy majorski kiciel, vyniaŭ z pryntara tuzin falšyvych hramat i dapoŭniŭ vobraz zavučanym «Za Baćku!», čym prymusiŭ samych upłyvovych ludziej krainy paciskać sabie ruku i padsadžvać navierch. Majučy ŭ anamniezie 15 razbojaŭ, jon abiarnuŭsia lektaram u sistemie MUS, daŭšy šerah bieniefisaŭ u pravincyjnych RAUSach i navat paru razoŭ u akademijach. Jaho pramiežkavy finał akazaŭsia choć i prostym, ale taksama chrestamatyjnym.
«Naša Niva» padrabiazna apisvała šlach hetaha čałavieka ŭ šerahu publikacyj.
Čytajcie: Jabaćka lejtenanta Šmita. Šmatrazova sudzimy recydyvist vydaŭ siabie za vieterana śpiecnaza i daros da ministerskaha ŭzroŭniu
Jabaćki ŭ šoku. Na Akreścina adpravili namieśnika Paŭličenki ŭ asacyjacyi vieteranaŭ śpiecnaza «Čiesť»
Psieŭdaśpiecnazaviec Zasłaŭski-Aŭtuchovič paśla adsiedki praciahvaje razvodzić siłavikoŭ, ale ŭžo rasijskich
Za toj čas, pakul jaho asobaj nie cikavilisia žurnalisty, Aŭtuchovič paśpieŭ pastavić ź dziasiatak novych «rekordaŭ knihi Hinesa», a taksama paru razoŭ zamachnucca na hranty «ŭmacavańnia patryjatyzmu». Jamu admovili.
Ale z 24 lipienia 2024 Siarhiej Aŭtuchovič pierastaŭ radavać svaich padpisčykaŭ u instahramie abjomami bicepsaŭ. Paśla hetaha dnia jon ni razu nie źjaviŭsia ŭ miesiendžarach.
Jak raskazali «Našaj Nivie» znajomyja ź situacyjaj, Siarhiej Aŭtuchovič znachodzicca ŭ SIZA. Mierkavana, jaho padazravajuć va ŭčynieńni złačynstva, jakoje padpadaje pad 431 artykuł Kryminalnaha kodeksa Biełarusi (dača chabaru).
Pa papiaredniaj infarmacyi, Aŭtuchovičam skarystaŭsia niechta ź jahonych znajomych, pieradaŭšy praz «jabaćku lejtenanta Šmita» hrošy za vyrašeńnie kamiercyjnaha pytańnia. Na pieradačy toj i pahareŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary