Minskich školnikaŭ bolš nie buduć karmić pielmieniami, zatoje šašłyk zastajecca
Vosieńskaje mieniu ŭ školnych stałovych źmianiłasia.
Pielmieni vyklučyli z vosieńskaha mieniu školnych stałovych Minska. Pra heta raspaviała dyrektarka «Kambinata školnaha charčavańnia horada Minska» Ludmiła Krupskaja. Pavodle jaje słoŭ, pielmieni mohuć viarnucca ŭ inšym siezonnym mieniu, piša BiełTA.
Sioleta ŭ vosieński racyjon minskich školnikaŭ uklučana kala 124 straŭ. U prykładnyja dvuchtydniovyja racyjony na vosień uklučana 5 novych straŭ, a taksama stravy, jakija ŭžo karystajucca popytam u vučniaŭ. Siarod papularnych — šašłyčok «Školny», kuračka «Pikantnaja», katleta «Paparać»
Siarod navinak — blincy ź jabłykam i cynamonam na padviačorak, kurynaja hrudka, zapiečanaja ŭ śmiatanym sousie, na abied.
U racyjon małodšych školnikaŭ na śniadanki viarnuli blincy z tvarahom i syrniki.
Akramia taho, Krupskaja abiacaje dva novyja napoi, ale nazvu pakul nie raskryvaje.
Kamientary