Pradstaŭnik «Biełpoła» raskazaŭ, ci jość siarod apazicyi ahienty śpiecsłužb
«U nas vielmi časta błytajuć viarboŭku ź niejkimi mierkantylnymi intaresami asobna ŭziataha palityka».
Pradstaŭnik abjadnańnia byłych siłavikoŭ «Biełpoł» Uładzimir Žyhar u novym vypusku TOKu adznačyŭ, što vyznačyć ahienta dastatkova ciažka, niama adzinaha ałharytmu, pa jakim možna vyličyć čałavieka, jaki supracoŭničaje sa śpiecsłužbami.
Ale jość niekalki momantaŭ, na jakija varta źviarnuć uvahu.
«Niešta možna vyznačyć pa tym, jak jon patrapiŭ da ciabie ŭ atačeńnie, ab čym pytajecca, Kali heta prosta niejki «zalotny čałaviek», to jon pačynaje cikavicca rečami, jakija, jak praviła, nie pavinny nikoha ŭvohule cikavić, akramia ciabie. Jon pačynaje cikavicca rečami, jakija vychodziać za ramki taho, čym jon zajmajecca ci čym jon raniej cikaviŭsia», — raskazvaje były siłavik.
Na pytańnie, ci praŭda, što biełaruskaja apazicyja napičkana ahienturaj, jak pra heta havoryć Zianon Paźniak, Žyhar adkazaŭ:
«Kali Zianon Stanisłavavič niešta havoryć, to treba pryvodzić arhumienty, a nie składvać ruki i kazać: «Tak heta ž vidavočna. My pra heta raskažam, ale praź niekalki hadoŭ». Tak nielha.
Vy, kali łaska, pryvodźcie kankretnyja arhumienty prosta ciapier. Pryčym nie kanśpirałahičnyja, a kankretnyja. Bo raspaŭsiudžvajucca teoryi typu, chtości ź niekim niekali vučyŭsia, značyć jon na sto adsotkaŭ źjaŭlajecca zavierbavanym. Heta nie tak».
Pa słovach Žychara, biezumoŭna, va ŭsim demakratyčnym ruchu jość zavierbavanyja ludzi, ale
«ŭjavić, što śpiecsłužby metanakiravana adpravili čałavieka, jaki zdoleŭ uklinicca ŭ demakratyčny ruch, pryčym na dastatkova vysokim uzroŭni, małavierahodna — chutčej nie, čym tak».
«U nas vielmi časta błytajuć viarboŭku ź niejkimi mierkantylnymi intaresami niejkaha asobna ŭziataha čałavieka, palityka», — zaŭvažaje biełpołaviec.
Hladzicie vypusk całkam:
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary
1.Jon chłus praź nieprystojnaść albo prosta paranoik. Druhi vypadak asabliva charakterny dla ahulnych abvinavačvańniaŭ.
2.Jon viedaje heta pra inšych praz ułasnuju pracu ŭ śpiecsłužbach.
FSB navat u Jeŭrapiejskich strukturach viarbuje vysokapastaŭlenych čynoŭnikaŭ.
I tolki biełaruski demakratyčny ruch pa Žyharu heta čysty, śvietły astravok stabilnaści, jaki abychodzić svajoj uvahaj rasiejskaje FSB i łukašenkaŭskaje KDB.