Zatrymali dyrektara pa infarmacyjnaj biaśpiecy bujnoj IT-kampanii. Vinavaciać va ŭdziele ŭ pratestach i stvareńni čata
Alaksiej Jeŭmiankoŭ pracuje dyrektaram pa infarmacyjnaj biaśpiecy ŭ kampanii IS Soft. U videa jaho zmušajuć kazać, što maje zarpłatu 16 tysiačaŭ rubloŭ štomiesiac.
Zatrymanaha minčuka zvać Alaksiej Jeŭmiankoŭ. Jamu 48 hadoŭ. U 1998 hodzie skončyŭ Biełaruski dziaržaŭny technałahičny ŭniviersitet. Praz hod pajšoŭ pracavać u IT.
Śpiecyjalizujecca na infarmacyjnaj biaśpiecy, maje niekalki siertyfikacyjaŭ ad roznych mižnarodnych kampanijaŭ. Daros da pasady dyrektara pa infarmacyjnaj biaśpiecy ŭ kampanii IS Soft — daččynaj kampanii bujnoj amierykanskaj IT-kampanii Coherent Solutions. Taksama kansultuje indyvidualna, dapamahaje firmam ukaranić dobryja praktyki ŭ halinie biaśpieki i adpaviadać zakonam u halinie infarmacyjnaj biaśpieki (u tym liku GDPR).
Udzielničaŭ u šmatlikich kanfierencyjach, vioŭ ułasny błoh ISQA.ru. U 2010 skončyŭ mahistraturu pa śpiecyjalnaści «biznes-administravańnie» (MBA).
Žonka Alaksieja taksama ajcišnica, pracuje teściroŭščycaj. Razam jany hadujuć traich dziaciej.
Alaksieja zatrymali kala dvuch tydniaŭ tamu. 14 žniŭnia jamu prysudzili aryšt za «drobnaje chulihanstva» — standartnaja praktyka hubazikaŭcaŭ pry padrychtoŭcy kryminalnaj spravy.
Na videa jon kaža, što ŭdzielničaŭ u pratestach i maje zarpłatu 16 tysiačaŭ rubloŭ. Taksama Alaksieja ŭ videa abvinavačvajuć u «stvareńni ekstremisckaha čata», ale nasamreč heta čat žyllovaha tavarystva, dzie žyła ich siamja. Siłaviki ŭ svaim videa nie demanstrujuć anijakaj kramoły z hetaha čatu.
Hubazikaŭcy śćviardžajuć, što suprać Alaksieja zaviali kryminalnuju spravu.
«Naša Niva» — bastyjon biełaruščyny
PADTRYMAĆ
Kamientary
PS U 90 je " bieźmiežniki" ličyli heta nazaŭždy .Usio jak my lubim..)))..