Dobkin: Amal 100% supracoŭnikaŭ EPAM vykarystoŭvajuć AI u svajoj pracy
U časie štokvartalnaha sazvonu z akcyjanierami kiraŭnik EPAM Arkadź Dobkin raskazaŭ, jak kampanija ŭkaraniaje ŭ svaju pracu štučny intelekt, piša Devby.io.
Adukacyja
Pavodle słoŭ Dobkina, EPAM pieršapačatkova «pastaviŭ pierad saboju ambicyjnuju metu — pavysić kvalifikacyju i efiektyŭna navučyć absalutnuju bolšaść supracoŭnikaŭ kampanii vykarystoŭvać asnovy GenAI».
Dla hetaha była raspracavanaja śpiecyjalnaja adukacyjnaja prahrama.
Z dapamohaj adukacyjnych płatformaŭ, unutranych śpiecyjalizavanych instrumientaŭ na dadzieny momant «amal usie supracoŭniki EPAM prajšli navučańnie i ŭžyvajuć viedy pra AI u svajoj paŭsiadzionnaj pracy», pry hetym «bolš za 10% jepamaŭcaŭ praktykujuć GenAI na prasunutym techničnym uzroŭni».
AI-płatformy EPAM
Naprykład, letaś EPAM abviaściŭ pra zapusk płatformy DIAL. Płatforma prapanoŭvaje ŭnifikavany karystalnicki interfiejs, jaki dazvalaje kampanijam vykarystoŭvać šyroki śpiektr ahulnadastupnych i zapatentavanych LLM (large language model, «vialikich moŭnych madelaŭ»), prahram, API, schoviščaŭ danych i biznes-prahram.
Pry kancy minułaha hoda EPAM abviaściŭ ab pradastaŭleńni dostupu da adkrytaha koda DIAL. Heta dazvoliła raspracoŭščykam raźvivać ułasnyja rašeńni na asnovie isnaj madeli: stvarać prahramy, ekśpierymientavać z novymi prykładami vykarystańnia i raźvivać inavacyjnyja raspracoŭki.
EPAM AI/Run — heta sistema dastaŭki na bazie GenAI, jakaja paskaraje ŭvieś žyćciovy cykł raspracoŭki prahramnaha zabieśpiačeńnia i dapamahaje klijentam acanić rentabielnaść inviestycyj u AI, paskarajučy čas vychadu na rynak da 30%. EPAM EliteA — kompleksnaja płatforma dla sumiesnaj pracy kamand, jakaja spraščaje raspracoŭku, dastupnaść i kiravańnie vialikimi aktyvami moŭnych madelaŭ, uklučajučy padkazki, šabłony i ahientaŭ.
Novyja AI-prajekty
Pavodle słoŭ Dobkina, siońnia EPAM praktykuje akazańnie poŭnaha śpiektru pasłuh GenAI u najbujniejšych centrach raspracoŭki, kab dapamahać zakazčykam maštabavać biznes.
Kiraŭnik EPAM śćviardžaje, što kampanija damahłasia prahresu ŭ halinie AI. Šmatlikija kampanii «vybirajuć EPAM u jakaści asnoŭnaha partniora pa AI dla ŭdziełu ŭ realizacyi prajektaŭ».
U paćvierdžańnie Dobkin pryvioŭ niekalki prykładaŭ.
Dla Unity (mižpłatformiennaje asiarodździe raspracoŭki kampjutarnych hulniaŭ) EPAM dapamoh stvaryć Unity Muse. Heta AI-płatforma novaha pakaleńnia, jakaja dazvalaje raspracoŭščykam luboha ŭzroŭniu stvarać hulni i RT3D-prahramy ŭ samyja karotkija terminy, vykarystoŭvajučy prostyja tekstavyja zapyty.
Dla XSOLIS (raspracoŭščyk rašeńniaŭ u halinie achovy zdaroŭja), EPAM dapamoh raspracavać płatformu ai na AWS.
U ramkach supracoŭnictva z MVF EPAM raspracavaŭ rašeńnie, jakoje dazvalaje pieraŭtvarać, analizavać, vizualizavać i interpretavać statystyčnyja danyja.
Kamientary