Zahadka vakoł pieršaj straty F-16 Ukrainaj. Pavodle adnoj ź viersij, źniščalnik byŭ źbity ŭłasnaj rakietaj SPA
Źniščalniki F-16 dziejničajuć va ŭkrainskim niebie ŭsiaho niekalki tydniaŭ. Z šaści samalotaŭ, pastaŭlenych na dadzieny momant, pieršy byŭ stračany na hetym tydni.
Pra heta ŭpieršyniu paviedamiła hazieta Wall Street Journal sa spasyłkaj na amierykanskaha čynoŭnika. Pavodle jaho słoŭ, imaviernaj ličycca pamyłka piłota. Infarmacyjnaje ahienctva Reuters, naadvarot, paviedamiła pra «miechaničnuju niaspraŭnaść» pavietranaha sudna.
Kijeŭ paćvierdziŭ paviedamleńnie ab krušeńni samalota i vysoka acaniŭ namahańni daśviedčanaha piłota pa imi Alaksiej Mieś (pazyŭny «Moonfish»). «Jon hieraična pravioŭ svoj apošni boj u pavietry», — havorycca ŭ paviedamleńni Vajskova-pavietranych sił Ukrainy.
Što tyčycca abstavinaŭ jaho hibieli, to paviedamlajecca, što Alaksiej zahinuŭ padčas rasijskaj ataki: Rasija ŭ hety dzień abstralała Ukrainu 236 rakietami i ŭdarnymi bieśpiłotnikami. Bambardziroŭka viałasia i ŭ rajonie padzieńnia źniščalnika.
Adnak u dačynieńni da abstavinaŭ hibieli piłota isnujuć supiarečnaści, piša Bild.
Deputat Viarchoŭnaj Rady Ukrainy Marjana Biazuhłaja zajaviła, što ni pamyłka piłota, ni techničnaja niaspraŭnaść nie byli pryčynaj padzieńnia źniščalnika.
Pavodle jaje słoŭ, ukrainskaja sistema SPA vypadkova źbiła źniščalnik. «Mieś byŭ źbity zienitna-rakietnym kompleksam Patriot z-za adsutnaści kaardynacyi pamiž padraździaleńniami», — śćviardžaje jana.
Biazuhłaja abvinavaciła kamandavańnie VPS Ukrainy ŭ chłuśni. Mikałaj Alaščuk, jaki na toj momant jašče ŭznačalvaŭ VPS, adkazaŭ na heta, zajaviŭšy, što nieabchodna «zrazumieć, što mienavita adbyłosia, jakija abstaviny i chto niasie adkaznaść». Jon abvinavaciŭ deputata Biazuhłuju ŭ tym, što jana «stała hałoŭnym ńjuśmiejkieram varožaj prapahandy», i pryhraziŭ joj sudovym razhladam.
Jość jašče adna viersija hibieli ŭkrainskaha lotčyka. Pavodle paviedamleńniaŭ rasijskich prapahandysckich ŚMI, F-16 byŭ źniščany na ziamli kryłataj rakietaj. Nibyta nieaściarožny telerepartaž, u jakim byŭ pakazany Mieś, raskryŭ miescaznachodžańnie piłota i źniščalnika F-16 — heta byŭ aeraport u Ivana-Frankoŭsku.
Prezident Ukrainy Uładzimir Zialenski paśla zdareńnia zvolniŭ kamandujučaha VPS.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu4
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary