Nie mienš za čatyry šachiedy nočču zalacieli ŭ Biełaruś, adzin źnik na poŭnačy
Pieršy ź ich pierasiek miažu ź Biełaruśsiu kala 01:50 u rajonie vioski Vierchnija Žary i ŭžo praź niekalki chvilin palacieŭ va Ukrainu ŭ napramku Čarnobylskaj zony, paviedamlaje Biełaruski Hajun.
Dalejšyja zachody šachiedaŭ u Biełaruś byli ŭ 04:48, 05:49 i 08:04. Bolšaść ź ich lotali ŭ rajonie biełaruska-ŭkrainskaj miažy, pastajanna pierasiakajučy jaje ŭ abodva baki, ale adzin ź ich palataŭ nad miažoj i skiravaŭsia na poŭnač krainy.
Šachied № 2 (upieršyniu zajšoŭ u 04:48) dalej syšoŭ u rajon aeradroma «Ziabraŭka», pralacieŭ Homiel i ŭziaŭ kurs na Mahiloŭ. Apošni raz jon byŭ zaŭvažany ŭ 05:49 u rajonie Žłobina, paśla čaho zhubiŭsia, kudy jon dzieŭsia — nieviadoma.
USU taksama paviedamlajuć, što adzin z šachiedaŭ nočču palacieŭ u Biełaruś. Vierahodna, havorka idzie mienavita pra hety BPŁA.
Pa infarmacyi «Biełaruskaha Hajuna», źniščalnik VPS RB padniaŭsia z aeradroma «Baranavičy» prykładna a 06:20 i, palataŭšy paŭtary hadziny, viarnuŭsia ŭ Baranavičy a 8 ranicy.
Kamientary