Pa pamiłavańni vyjšła adna z zasnavalnic «Maci 328» Maryna Kisialevič
Pra vyzvaleńnie Maryny Kisialevič paviedamiła ŭ fejsbuku žurnalistka, kiraŭnica inicyjatyvy «Palitviazynka» Jaŭhienija Doŭhaja.
Maryna Kisialevič — aktyvistka ruchu «Maci-328». Jana była zatrymanaja pa artykule ab paklopie na Łukašenku (č. 2 art. 367 Kryminalnaha kodeksa), taksama joj staviłasia ŭ vinu abraza Łukašenki (č. 2 art. 368 KK).
Maryna doŭhi čas utrymlivałasia ŭ RNPC psichičnaha zdaroŭja ŭ Navinkach, zatym jaje pieraviali ŭ SIZA-1. Viadoma, što ŭ źniavoleńni žančynu źmiaščali ŭ karcar za niazhodu z pastanoŭkaj na ŭlik jak «schilnuju da ekstremisckaj i inšaj destruktyŭnaj dziejnaści», a jana abviaščała haładoŭku.
12 maja 2022 hoda ŭ sudzie Kastryčnickaha rajona Minska Marynu Kisialevič asudzili da čatyroch hadoŭ abmiežavańnia voli z nakiravańniem u papraŭčuju ŭstanovu adkrytaha typu. Jaje sudzili pavodle «danosu nieabyjakavaha» pa dopisach «UKantakcie». Spravu razhladaŭ sudździa Alaksandr Rudenka.
Paśla vyniasieńnia prysudu palitźniavolenuju vyzvalili ŭ zale suda da nakiravańnia ŭ papraŭčuju ŭstanovu adkrytaha typu.
U kancy žniŭnia 2022 hoda Maryna była nakiravanaja ŭ bresckuju PUAT № 1. Ale 12 krasavika 2024 hoda prajšło sudovaje pasiadžeńnie pa zamienie abmiežavańnia voli na pazbaŭleńnie voli ŭ kałonii na 10 miesiacaŭ.
Syn Maryny byŭ asudžany ŭ 2017 hodzie da 13 hadoŭ kałonii.
«Hatovaja była pamierci». Biełaruska cćviardžaje, što nahłytałasia tabletak u RUUS, pratestujučy suprać zatrymańnia — daviedalisia detali historyi
Aktyvistku ruchu «Maci-328» pieravodziać z chimii ŭ kałoniju. Jaje zatrymali pa danosie «pilnaha internaŭta»
Hienprakuror Švied anansavaŭ čarhovaje pasiadžeńnie kamisii pa pamiłavańni
Pamiłavanyja jašče 30 palitviaźniaŭ
«Načalniki biehali pa ŭsioj zonie jak aparanyja». Palitviazień, jaki vyjšaŭ pa pamiłavańni, raskazaŭ, jak heta było
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca10
Kamientary