Pamior viadomy rasijski vajskovy lotčyk — uradženiec Biełarusi
Hieroj Rasijskaj Fiederacyi, lotčyk-snajpier Ihar Radabolski pamior va ŭzroście 64 hadoŭ.
Radabolski byŭ viertalotčykam, prajšoŭ Afhanskuju vajnu, a taksama dźvie čačenskija kampanii. Ahułam prasłužyŭ 30 hadoŭ: spačatku ŭ Savieckaj armii, potym — va Uzbrojenych siłach RF, piša «Sputnik».
Akramia zvańnia Hieroja RF, mieŭ taksama try Ordeny mužnaści, dva ordeny Čyrvonaj Zorki, orden «Za vajennyja zasłuhi» i inšyja ŭznaharody. Pryčym jon byŭ uładalnikam maksimalnaj kolkaści dziaržuznaharod, atrymanych adnym rasijskim vajskoŭcam.
Radabolski naradziŭsia ŭ Hrodnie ŭ 1960 hodzie. Žyŭ u Navapołacku. U školnyja hady zajmaŭsia ŭ Viciebskim aerakłubie DTSAAF. U 1983 z adznakaj skončyŭ Syzranskaje vyšejšaje vajennaje avijacyjnaje vučylišča lotčykaŭ.
U armii pačynaŭ šturmanam viertalota Mi-8, a potym jamu davieryli kamandavać pavietranym sudnam takoha typu. Dva razy byŭ u praciahłych kamandziroŭkach u Afhanistanie. Taksama vykonvaŭ zadačy ŭ składzie kantynhientu misii AAN u Kambodžy ŭ pačatku 1990-ch.
Z ulikam kampanij u Čačni Radabolski ździejśniŭ zvyš 1700 bajavych vyletaŭ. Evakujavaŭ z pola boju niekalki sotniaŭ vajskoŭcaŭ. Akramia taho, vykonvaŭ humanitarnyja misii padčas stychijnych biedstvaŭ, u tym liku vyviez ciažka chvoraje dzicia z čačenskaha auła ŭ składanych mieteaŭmovach.
-
Cichanoŭskaja: Biełaruskija ŭłady zaklikajuć žančyn naradžać, ale paśla naradžeńnia dziciaci mnohija sutykajucca ź finansavaj jamaj
-
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie
-
U vieraśni Polšča dała mižnarodnuju abaronu 24 hramadzianam Biełarusi
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie8
Kamientary