Pratasieviču admianili hihancki štraf, i jon palacieŭ na adpačynak u Dubaj
Błohier vyjšaŭ u strym sa śpiakotnaha Dubaja.
Raman Pratasievič siońnia pachvaliŭsia, što palacieŭ u Dubaj i što jamu ŭžo nie treba vypłačvać hihancki štraf. Nahadajem, što sud pastanaviŭ spahnać z Ramana Pratasieviča, Jana Rudzika i Ściapana Puciły štraf 24,5 młn rubloŭ. Ale Raman śćviardžaje, što niejki čas tamu padaŭ apielacyju, i štraf admianili.
«Ja padaŭ apielacyju, i mnie skasavali hety štraf. Usio sumlenna, usio zakonna. Heta była aficyjnaja pracedura. Była apielacyja, byli asobnyja sudovyja pasiedžańni. Ja pryvioŭ, jak akazałasia, dastatkovuju kolkaść arhumientaŭ dla taho, kab hety vielizarny, ja b navat skazaŭ astranamičny, štraf admianili», — adznačyŭ Pratasievič.
Pratasievič arhumientavaŭ svaju pazicyju ŭ tym liku tym, što nie pavinien nieści adkaznaść u adzinočku va ŭmovach, kali Puciła i Rudzik znachodziacca za miažoj.
Adnak jon apłaciŭ padatkavaj try tysiačy rubloŭ. Pra heta jon paviedamiŭ u strymie.
Abmiežavańniaŭ na vyjezd u jaho ciapier niama.
U Dubaj Pratasievič palacieŭ z žonkaj.
Jon taksama dadaŭ, što elektrazvarščykam pracuje ŭžo try miesiacy.
Ciapier čytajuć
«Chavaješ svoj žach, bo heta škilet sa skuraj». Śviatłana Cichanoŭskaja pryznałasia, ci paznała Siarhieja praź piać hadoŭ1
Kamientary
Tam jesť haraži? Nužno budiet pohovoriť za nimi…