Biełaruskam prapanoŭvajuć vip-šopinh sa stylistkaj u Italii. Bonus — invalid pieršaj hrupy ŭ kampanii. Navošta?
Minskaja błohierka, stylistka, hałoŭnaja redaktarka sajta pra modu salon375.by Taćciana Kiejzierava prapanoŭvaje biełaruskim žančynam zhaniać u buciki Miłana na šopinh. Košt uražvaje, ale jość niezvyčajny bonus — invalid pieršaj hrupy. Zdahadajeciesia, dziela čaho ŭ kampaniju śpiecyjalna zaprašajuć takoha čałavieka?
Košt tura, jaki praciahniecca mienš za tydzień, — 1600 jeŭra. U hetu sumu ŭvachodziać tranśfier Minsk-Kaŭnas, pieralot u Miłan i nazad u Litvu, 4-zorkavy hatel u Italii i try dni šopinhu ŭ aŭtletach modnych brendaŭ u kampanii stylistki — samoj Taćciany. Jana abiacaje, što dapamoža kožnaj z udzielnic nabyć rečy, jakija buduć pasavać, a taksama harmanična spałučacca pamiž saboj.
Ale ž samaje cikavaje toje, što błohierka abiacała zabiaśpiečyć udzielnicam pryjarytetny prajezd praź biełaruska-litoŭskuju miažu. Prapanova intryhuje, asabliva z ulikam taho, što ludzi pravodziać na miažy šmat hadzin. Jak ža mahčyma abyści sistemu?
Adna z čytačak «Našaj Nivy» spytała ŭ Taćciany, jak jana płanuje zabiaśpiečyć toj samy pryjarytetny prajezd. I voś jaki atrymała adkaz:
«U nas budzie maršrutka na litoŭskich numarach i invalid pieršaj hrupy».
Reč u tym, što ludziam ź invalidnaściu takoj stupieni dazvalajecca prajezd praź miažu biez čarhi. Hetym i choča skarystacca arhanizatarka šop-tura.
Chutki varyjant vyjechać u ES. Kolki biaruć za pieravozku praź miažu na aŭto i matacykłach
Kalininhradski šlach u ES staŭ dla biełarusaŭ niebiaśpiečnym — rasijskija siłaviki apantana dapytvajuć biełarusaŭ
Pakistaniec nie zmoh pierajechać biełaruskuju miažu pa pašparcie siabra-italjanca
Novy łajfchak ad biełarusaŭ, jak nie stajać sutkami ŭ čarzie na miažy ź Jeŭrasajuzam
Kamientary
nie padaju nijakim "invalidam" i ichnym byccam by rośvińnikam
takich pronyr prud prudi