Ź siadziby Pusłoŭskich u Słonimie źnikli skulptury lvoŭ. Što adbyvajecca?
U žniŭni ŭ siadzibie Pusłoŭskich u Słonimie pačaŭsia ramont. Užo paśpieli źniać stary asfalt pierad budynkam, taksama pastavili budaŭničyja ryštavańni. U vieraśni słonimcy zaŭvažyli, što źnikła vizitnaja kartka siadziby — skulptury lvoŭ, jakija znachodzilisia kala ŭvachodu, piša Hrodna.life.
Skulptury «abiacali viarnuć»
Budaŭničuju placoŭku kala siadziby abharadzili, a na ŭčastku źjavilisia budmateryjały. Demantavali stary asfalt pierad budynkam. U žniŭni pačali adnaŭlać dach, taksama płanavali pafarbavać fasady.
U vieraśni haradžanie zaŭvažyli, što skulptury lvoŭ «kudyści pieramiaścili, ale abiacali viarnuć». Vazy, što znachodziacca pobač ź ilvami, pakul zastajucca na miescy.
Što źjavicca ŭ budynku paśla rekanstrukcyi — pakul nieviadoma. Čytačy telehram-kanała vykazvajuć mierkavańni, što siadzibu Pusłoŭskich pierarobiać pad ZAHS.
Siadziba atrymała status historyka-kulturnaj kaštoŭnaści tolki hod tamu
U 2023 hodzie siadzibie nadali status historyka-kulturnaj kaštoŭnaści druhoha typu. Zhodna ź im, ciapier na terytoryi zony achovy zabaroniena pravodzić ramontna-restaŭracyjnyja raboty biez uzhadnieńnia, vysiakać drevy i raźmiaščać vonkavuju rekłamu, jakaja škodzić vizualnamu ŭsprymańniu histaryčnaj kaštoŭnaści.
Tady ž skulpturny ansambl ilvoŭ i vazaŭ uziali pad asobuju achovu.
Historyja siadziby «Albiarcin»
Pałacava-parkavy ansambl Pusłoŭskich «Albiarcin» — pomnik siadzibna-parkavaj architektury ŭ styli poźniaha kłasicyzmu. Znachodzicca ŭ Słonimie na bierazie raki Isa. Źjaviŭsia ŭ pieršaj pałovie XIX stahodździa jak rezidencyja słonimskaha paviatovaha maršałka Vojciecha Pusłoŭskaha. Siadziba i voziera nazvanyja ŭ honar adnaho ź jaho synoŭ. Aŭtaram ilvoŭ kala ŭvachoda ličycca italjanski skulptar Antonia Kanova.
Siadziba «Albiarcin» i prylehły da jaje park zachavalisia amal bieź źmien. U saviecki čas u pałacy raźmiaščałasia balnica, da pačatku ramontu — Dom kultury, moładzievy centr i haradskaja biblijateka. U flihieli raźmiaščajecca fizkulturna-spartyŭny kłub papiarovaj fabryki «Albiarcin».
U zachavanym budynku stajniaŭ, jaki raniej pradavali z aŭkcyjonu, u listapadzie 2022 adkryŭsia hatel, restaran i SPA-kompleks «U Pusłoŭskich».
Cana byłoj karaleŭskaj rezidencyi ŭ Hrodnie za dva miesiacy ŭpała ŭ dva razy. Nichto nie choča kuplać
«My ŭdychnuli novaje žyćcio ŭ heta miesca». Na Vałožynščynie siamja ratuje redkich koniej i stohadovy sad
Padarožža pa vuzkakalejcy, safary, hranitnyja skały… Top-8 niezvyčajnych turaŭ pa Biełarusi na vychadnyja
Urahan złamaŭ unikalnaje dreva ŭ Žamysłaŭskim parku. Što ciapier ź im budzie?
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary