Astapienia prapanavaŭ, jak cichieńka pazbavicca ad pomnikaŭ Leninu
Zamiest taho, kab zmahacca ź jaho fihuraj, možna pajści chitrejšym šlacham, razvažaje palitołah.
U pieršym vypusku jutub-prajekta «Heta top» palitołah Ryhor Astapienia i błohier Alaksandr Ivulin zakranuli temu vialikaj kolkaści pomnikaŭ Leninu ŭ Biełarusi i miemaryjalnych šyldaŭ, źviazanych ź jaho dziejnaściu.
Astapienia zaŭvažyŭ, što kali byŭ maładziejšym, to dumaŭ, što demantaž pomnikaŭ Leninu — «mudraje rašeńnie, efiektyŭnaje, viasiołaje», ciapier ža jon bačyć inšy šlach, jaki dazvolić prybrać hetyja pomniki cicha, —
«adpraŭlać takija pomniki na restaŭracyju, ramont, a ŭžo potym adtul nie viartać».
«Navošta ŭviazvacca šmat u čym u čužy paradak dnia, abmierkavańnie: Lenin — dobra, drenna. Jakaja roźnica. Nie ŭ hetym prablema Biełarusi. Prablema ŭ tym, što my nie viedajem svajho, što my mała razmaŭlajem pra svaich hierojaŭ.
Kali my viadziom havorku pra Lenina (znosić — nie znosić), my nie prapanoŭvajem štości rabić svajo i znoŭku viartajemsia ŭ paradak dnia, što my pavinny tut ź niečym zmahacca»,
— ličyć Astapienia.
«Adpravili na rekanstrukcyju. Tam skazali, što nie chapiła hrošaj, toje, sioje. I za piać hadoŭ cicha, akuratna fundamientalnyja źmieny praviali», — prapanuje Ryhor.
Jon ličyć heta aptymalnym šlacham, bo, «jak ni kruci, Lenin, moža, nie častka našaj historyi, ale, na vialiki žal, heta častka našaj aficyjnaj dziaržaŭnaj histaryjahrafii».
Ivulin i Astapienia zapuścili padarožna-kulturnickaje šou «Heta top!» VIDEA
Revalucyja jak impuls dla evalucyi. Jak naradžajucca Leniny i jak dziejničajuć
U kožnym Lenin, amal u kožnym Puškin, u nivodnym Skaryny i Kołasa. Jakija pomniki stajać u biełaruskich abłasnych centrach?
Adam Michnik biełarusam: Uspomnicie historyju ź Leninym u Šviejcaryi: vaša revalucyja pryjdzie!
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
Kamientary
Luboj chiehniej hotovy zanimaťsia - liš by hievoluciju nie diełať.