Łandśbierhis: Pakul u Biełarusi nie pačnucca realnyja źmieny, pra źniaćcie sankcyj nie moža być i havorki
Padčas debataŭ ab palitviaźniach na palach Hienasamblei AAN u Ńju-Jorku ministr zamiežnych spraŭ Litvy zajaviŭ, što pakul situacyja z pravami čałavieka ŭ krainie nie źmienicca, pasłableńnie sankcyjaŭ nie moža być razhledžana, piša Delfi.lt.
«Biełaruś usio bolš robicca padobnaj da turmy, i pakul tam nie pačnucca realnyja źmieny, ab źmiakčeńni sankcyj havorki być nie moža», — skazaŭ Habryelus Łandśbierhis.
«Kožny raz, kali ŭ Biełarusi nabližajucca vybary, režym Łukašenki robić fiktyŭnyja kroki i kožny raz vyzvalaje niekalki palitviaźniaŭ, kab stvaryć iluziju supracoŭnictva z Zachadam. Spadziajusia, što hetym razam my nie pamylimsia i nie paddadzimsia iluzijam, bo ŭ biełaruskich turmach siadziać sotni palitviaźniaŭ, jakija stali zakładnikami režymu Łukašenki, jakich dyktatar znoŭ budzie imknucca abmianiać na vyzvaleńnie ad sankcyj i admienu izalacyi», — skazaŭ Łandśbierhis.
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary