Bałharyja moža departavać hramadzianina Biełarusi — pradstaŭnika ŁHBT
Ułady Bałharyi admovili ŭ pradastaŭleńni prytułku hramadzianinu Biełarusi, i ciapier jamu pahražaje departacyja z krainy, piša «Pozirk» sa spasyłkaj na Bałkanskuju sietku žurnalisckich rasśledavańniaŭ BIRN.
Mužčynu zavuć Andrej, proźvišča ŭ publikacyi nie nazyvajecca ź mierkavańniaŭ biaśpieki svajakoŭ, jakija znachodziacca ŭ Biełarusi.
Pavodle infarmacyi žurnalistaŭ-rasśledavalnikaŭ, u atrymańni prytułku biełarusu admoviŭ 17 vieraśnia Viarchoŭny sud u Safii, ciapier jon z advakatami rychtujecca abskardzić rašeńnie. Pry hetym, jak paviedamlajecca, biełarus nie vyklučaje zvarotu ŭ Jeŭrapiejski sud pa pravach čałavieka
Adznačajecca, što Andrej znachodzicca ŭ šlubie z rasijskim žurnalistam i apazicyjnym aktyvistam Alaksiejem Bačynskim, jaki atrymaŭ prytułak u Bałharyi 25 krasavika. Šlub byŭ aformleny ŭ Kapienhahienie ŭ 2014 hodzie.
Para pierajechała ŭ Bałharyju z Rasii ŭ 2022 hodzie paśla vajskovaha ŭvarvańnia RF va Ukrainu. Vydańnie paviedamlaje, što jany «ŭdzielničali ŭ aktyviźmie suprać režymaŭ u Rasii i Biełarusi i padtrymlivali praŭkrainskija demanstracyi ŭ Rasii, Biełarusi i Bałharyi».
Jak adznačaje BIRN, «u svaim nastupnym chadajnictvie ab pradastaŭleńni prytułku Andrej taksama zhadaje ab novych represiŭnych zakonach u Biełarusi z krasavika hetaha hoda, zhodna ź jakimi demanstracyja adnosin ŁHBTK+ moža ličycca parnahrafičnaj i karacca turemnym źniavoleńniem».
«My spadziajemsia, što heta budzie pryniata pad uvahu, pakolki heta novyja abstaviny, jakija źjavilisia paśla taho, jak jon padaŭ zajavu ŭ pieršy raz», — cytuje miedyja Bačynskaha, jaki doŭhi čas supracoŭničaje z rasijskim apazicyjnym partałam kasparovru.com.
U publikacyi havorycca, što Bałharyja, jakaja «sutykajecca z prablemami z-za ŭmiašańnia Rasii», u žniŭni hetaha hoda zabaraniła «prapahandu nietradycyjnaj sieksualnaj aryjentacyi», u pryvatnaści, u suviazi z «prysutnaściu temy ŁHBTK+ u sistemie adukacyi».
Pry hetym u dakumiencie Bačynskaha ab pradastaŭleńni jamu statusu biežanca, ź jakim aznajomiŭsia BIRN, jon ukazany jak čałaviek, jaki nie znachodzicca ŭ šlubie.
Advakat Dzianica Lubienava, jakaja pradstaŭlaje mnostva spraŭ ab pravach ŁHBTK+ u Bałharyi, paviedamiła, što biełarus Andrej budzie damahacca paskoranaha słuchańni ŭ JESPČ, pakolki sud u Safii «praihnaravaŭ status pary, jakaja zakonna znachodzicca ŭ šlubie».
Ciapier biełarus na voli, adnak, jak śćviardžajecca, para turbujecca pra svaju budučyniu, bo bałharskija ŭłady i raniej prymali niehatyŭnyja rašeńni ŭ dačynieńni da asob, jakija sprabavali atrymać prytułak.
Ciapier čytajuć
Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili5
Kamientary