U Hrodnie abrabavali amierykancaŭ — skrali papularny darahi preparat
Amierykanskija turysty pryjechali na miesiac u Hrodna, ale, vyhladaje, buduć vymušanyja pakinuć Biełaruś raniej. Pryčyna niestandartnaja — im terminova patrebny aziempik.
Hetuju historyju raskazaŭ u sacsietcy Reddit adzin z karystalnikaŭ. Jon i jaho dziaŭčyna, hramadzianie ZŠA, vyrašyli pravieści miesiac u Biełarusi i vybrali dla padarožža Hrodna. Tam dziaŭčynu abrabavali — dva złačyncy, jak piša amierykaniec, skrali ź jaje sumki aziempik. Hety preparat nabyŭ šalonuju papularnaść jak srodak dla pachudzieńnia, ale zamiežnaj turystcy jon byŭ patrebny dla inšych metaŭ: u jaje dyjahnastavany dyjabiet 1 typu, i aziempik jana prymaje jak leki ad hetaj chvaroby.
Ciapier amierykanka zastałasia bieź lekaŭ, i para terminova šukaje mahčymaści nabyć aziempik u Biełarusi. Kali ž heta nie atrymajecca, turysty hatovyja viartacca ŭ ZŠA daterminova, chacia, jak jany pišuć, im padabajecca ŭ Biełarusi.
Vyhladaje, što znajści leki im budzie nie nadta prosta. U kamientarach amierykancu tłumačać: aziempik — zusim novy preparat, i jon jašče nie pradajecca ŭ Biełarusi aficyjna.
Praŭda, adzin z karystalnikaŭ prapanuje kampramisny varyjant: maŭlaŭ, možna pajechać u Polšču — tam aziempik pradstaŭleny ŭ bolšaści aptek, adzinka preparatu kaštuje kala 90 dalaraŭ. Patrebny recept, ale jaho možna atrymać anłajn.
«Naša Niva» — bastyjon biełaruščyny
PADTRYMAĆCiapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary