Bažena Jaremič pachvaliłasia, što Nacyjanalnaja škoła pryhažości vučyć budučych nastaŭnikaŭ stylu
«Asnovy stylu, makijažu, cyrulnickaha mastactva i moŭny etykiet — heta asnoŭnyja dyscypliny».
Dyrektarka Nacyjanalnaj škoły pryhažości Bažena Jaremič raskazała pra kulturna-adukacyjny prajekt, jaki dapamoža sfarmavać «unikalny vobraz budučych piedahohaŭ». Jon nazyvajecca «Harmonija. Styl. Daskanałaść».
Prajekt pačaŭsia hod tamu z supracoŭnictva z BDPU. Ciapier u im biaruć udzieł i piedahahičnyja kaledžy Minskaj vobłaści.
«Asnoŭnyja dyscypliny, jakija vykładali piedahohi Nacyjanalnaj škoły pryhažości, byli źviazanyja z asnovami stylu, makijažu, cyrulnickaha mastactva i moŭnym etykietam. Heta asnoŭnyja bazavyja dyscypliny, jakimi pavinny vałodać našy sučasnyja nastaŭniki. I zatym, ja ŭpeŭniena, jany buduć pieradavać hetyja viedy našym dzieciam», — zajaviła Jaremič na pres-kanfierencyi da Dnia nastaŭnika.
Pa słovach Jaremič, prajekt padtrymała Ministerstva adukacyi. U dalejšym płanujecca da jaho dałučyć abłasnyja harady. spadziajecca, što prajekt atrymaje status respublikanskaha.
Historyja biełaruskaj Papiałuški: jak dziaŭčyna z prostaj siamji stała deputatkaj i načalnicaj
Maładaja jurystka z prezidyuma Usiebiełaruskaha narodnaha schodu stała dyrektarkaj Nacyjanalnaj škoły pryhažości
21-hadovaja stažorka Bažena Jaremič ab svaim udziele ŭ kanstytucyjnaj kamisii: Vydatnaja prafiesijnaja praktyka
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary