«Lacieli vielmi nizka». Łukašenka pryznaŭ pralot dronaŭ nad Biełaruśsiu
Łukašenka padčas razmovy z žycharami ahraharadka Parachonsk raskazaŭ, jak padčas jaho palotu nad Biełaruśsiu byli zaŭvažanyja bieśpiłotniki.
«Kab admieści ŭsiakija insinuacyi z nahody majho viertalota, dronaŭ i inšaha: heta nie maje prablemy, heta prablemy Słužby biaśpieki. Chaj jany hladziać, dzie drony lotajuć i kudy viertalotu prezidenta lacieć. Ja sapraŭdy da hetaha tak staŭlusia», — padkreśliŭ Alaksandr Łukašenka.
Pavodle jaho słoŭ, kali ranicaj, pierad vyletam u Pinski rajon, jamu stali dakładvać ab situacyi i nadvorji, jon zapatrabavaŭ abmiarkoŭvać hetyja pytańni niepasredna ź piłotami i razam ź imi prymać rašeńnie. U vyniku było vyrašana adkłaści vylet na hadzinu ŭ suviazi ź niespryjalnymi ŭmovami nadvorja.
«Hladžu, lacieli jany vielmi nizka, niezvyčajna nizka. Napeŭna, kab elektronnymi srodkami z Ukrainy było nie vidać. Viadoma, jany viertalot bačać: jon ža vialiki, heta nie bieśpiłotnik. Narmalna prylacieli. Tamu ja tut asabliva nie parusia, jak u narodzie kažuć, z hetaj nahody.
I potym, viedajecie: źbić viertalot prezidenta — heta vajna, jakaja ŭkraincam nie patrebna. Tamu ja nia dumaju, što va Ukrainie tyja, chto prymaje rašeńni, zakłapočanyja hetaj prablemaj. Choć, viadoma, što tut kazać, heta niepryjemna», — cytuje jaho BiełTA.
Łukašenka adznačyŭ, što ŭ Biełaruś zalatajuć bieśpiłotniki i z Rasii.
«Niekalki vypadkaŭ takich było i z boku Rasiei, i z boku Ukrainy. Šmat my źbivajem. My nie hladzim, heta rasijskija ci ŭkrainskija», — cytuje jaho BiełTA.
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary