28-hadovaja ŭkrainskaja žurnalistka Viktoryja Roščyna pamierła ŭ rasijskim pałonie
Va Ukrainie paviedamili pra śmierć 28-hadovaj žurnalistki Viktoryi Roščynaj padčas jaje etapavańnia z Tahanroha ŭ Maskvu. Žurnalistku zatrymali letam 2023 hoda padčas padrychtoŭki joj repartažu na akupavanych rasijanami terytoryjach.
Spačatku pra śmierć Roščynaj paviedamiŭ kiraŭnik kamiteta Viarchoŭnaj Rady pa pytańniach svabody słova Jarasłaŭ Jurčyšyn. Pavodle jaho, paviedamleńnie ab śmierci atrymali ad rasijskich uładaŭ jaje baćki. Paźniej, adnak, jon vydaliŭ post, napisaŭšy, što infarmacyja patrabuje paćviardžeńnia.
Nieŭzabavie takoje paćviardžeńnie źjaviłasia:
«My praviali ŭnutranaje rasśledavańnie i, na žal, hetaja infarmacyja paćvierdziłasia», — paviedamiŭ žurnalistam kiraŭnik pres-słužby ŭkrainskaha Kaardynacyjnaha štaba pa pytańniach abychodžańnia z vajennapałonnymi Piatro Jacenka.
Jon dadaŭ, što pra abstaviny hibieli Roščynaj «pakul kazać rana».
Viktoryju Roščynu rasijskija vajskoŭcy i siłaviki zatrymlivali dva razy — u sakaviku 2022 hoda padčas pajezdki ź Biardzianska ŭ Maryupal (tady paśla 10 dzion aryštu jaje adpuścili) i ŭ žniŭni 2023 hoda, kali žurnalistka pajechała praz Polšču na padkantrolnyja Rasii terytoryi Zaparožskaj vobłaści dla padrychtoŭki repartažu.
Apošni raz jana vychodziła na suviaź 3 žniŭnia 2023 hoda. Minabarony RF paźniej paćvierdziła, što jana była zatrymanaja, pry hetym ab vystaŭleńni abvinavačvańniaŭ pa jakim-niebudź artykule rasijskaha Kryminalnaha kodeksa było nieviadoma.
Pry hetym pradstaŭnik Hałoŭnaha ŭpraŭleńnia raźviedki Ukrainy Andrej Jusaŭ paśla atrymańnia infarmacyi pra śmierć žurnalistki paviedamiŭ, što jana była ŭ śpisach na adzin z najbližejšych abmienaŭ pałonnymi z Rasijaj. Pavodle jahonych słoŭ, Roščyna znachodziłasia «ŭ adpaviednych bazach, rejestrach z ukrainskaha boku».
«Kaardynacyjny štab rabiŭ usio mahčymaje, kab viarnuć jaje dadomu. Jaje viartańnie było ŭzhodniena i apošniaja infarmacyja, jakaja viadomaja, jaje etapavali ŭ «Lefortava» z metaj padrychtoŭki viartańnia dadomu», — zajaviŭ Jusaŭ.
Kali mienavita pavinien byŭ prajści hety abmien — jon havaryć admoviŭsia.
Viktoryja Roščyna rabiła svoj apošni repartaž dla vydańnia «Ukrainskaja praŭda». Akramia hetaha vydańnia, jana publikavała artykuły ŭ «Hromadśkie», «Radyjo Svaboda» i inšych ukrainskich miedyjach.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary