Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
Sadam Chaftar choča padpisać pahadnieńnie ab padrychtoŭcy vajennych lotčykaŭ dla Livijskaj nacyjanalnaj armii, jakoj kamanduje jahony baćka.
«Našyja krynicy: Sadam Chaftar prybyŭ u Respubliku Biełaruś u supravadžeńni hienierał-lejtenanta Muchamada al-Manfura al-Amina, kamandujučaha avijacyjnym kaledžam va ŭschodnim rehijonie, dva dni tamu. Sadam i Al-Manfur adpravilisia ŭ Biełaruś, kab damovicca ab ździełkach sa zbrojaj i navučańni vajskoŭcaŭ VPS», — havorycca va ŭčorašnim paviedamleńni Libya Press.
Baćka Sadama, Chalifa Chaftar, u 1969 hodzie braŭ udzieł u arhanizavanym Muamaram Kadafi pieravarocie, jaki pryvioŭ da źviaržeńnia manarchii ŭ Livii. Chaftar staŭ adnym z vyšejšych aficeraŭ i hałoŭnych nabližanych livijskaha lidara.
Adnak u čas vajny Livii z Čadam za pamiežnuju pałasu, jakaja razharełasia ŭ 1987 hodzie, hałoŭnakamandujučy Chaftar byŭ raźbity, tysiačy livijskich sałdat i sam Chalifa trapili ŭ pałon. Paśla paražeńnia Kadafi publična adroksia ad pałonnych. Adnoj z pryčynaj było toje, što livijski lidar bačyŭ u svaim hienierale pahrozu dla svajoj ułady. Raźjušany Chaftar parvaŭ usie suviazi z Kadafi i zaklikaŭ svaich ludziej dapamahčy jamu ŭ padrychtoŭcy dziaržaŭnaha pieravarotu.
Chaftar urešcie vyjšaŭ na volu i płanavaŭ uvarvańnie ŭ Liviju, adnak jaho apiaredziŭ Kadafi, jaki arhanizavaŭ u 1990 hodzie pieravarot u Čadzie. Chaftara i jaho prychilnikaŭ daviałosia evakujavać CRU. Bolš za 20 hadoŭ hienierał pražyŭ u ZŠA, dzie atrymaŭ hramadzianstva.
Paśla padzieńnia Kadafi ŭ 2011 hodzie Chaftar viarnuŭsia ŭ Liviju i ŭznačaliŭ Livijskuju nacyjanalnuju armiju, sabranuju z reštak armii Kadafi, staŭšy adnym z klučavych hulcoŭ u livijskaj hramadzianskaj vajnie. Siońnia jahonaja armija kantraluje bolšuju častku Livii.
Jahonym pierajemnikam ličycca syn Sadam Chaftar. U studzieni 2023 hoda Chalifa Chaftar abviaściŭ, što admovicca ad udziełu ŭ prezidenckich vybarach u Livii pry ŭmovie, što jaho syny Sadam i Belkasim atrymajuć mahčymaść bałatavacca. U mai Chaftar pryznačyŭ Sadama načalnikam štaba suchaputnych vojskaŭ.
Ciapier čytajuć
Zahinuŭ biełaruski dobraachvotnik Alaksiej Łazaraŭ6
Kamientary
Dzieści na švabry 30-j hod sidit adzin kałchoźnik. Zalivajecca śmiardziučej vadziaraj, zakusvaje samym ukusnym u miry chručevam iz Homielskaj i Mahileuskich radyjacyjnych zapaviednikau, i haukaje iz chaty s kaju na trupy arabskich kamandzirau i ruskich sałdat.