19 kastryčnika (subota) a 15:00 Muziej historyi horada Minska zaprašaje ŭ Minskuju haradskuju ratušu na lekcyju-prezientacyju knihi prafiesara, doktara histaryčnych navuk Alaksandra Hužałoŭskaha «U śvietłuju budučyniu! Biełaruskaje hramadstva epochi «adlihi» (1953—1968)», paviedamlaje bellit.info.
Alaksandr Hužałoŭski zakranie ŭ svajoj lekcyi najbolš značnyja aśpiekty z žyćcia biełaruskaha hramadstva pieryjadu «adlihi». U adnych hetaja epocha asacyirujecca z krytykaj kultu asoby, reabilitacyjaj achviar palityčnych represij, sacyjalna-palityčnaj libieralizacyjaj hramadskaha žyćcia.
Druhija ličać hałoŭnymi markierami času dasiahnieńni navukova-techničnaj revalucyi — zasvajeńnie kosmasu i mirnaj atamnaj enierhii, pieršyja elektronnyja vyličalnyja mašyny i aŭtamatyzacyju vytvorčaści. Trecija zhadvajuć refarmatarskuju dziejnaść Chruščova, u tym liku decentralizacyju i pašyreńnie pravoŭ sajuznych respublik, pierachod ad halinovaj da terytaryjalnaj sistemy kiravańnia, a taksama zachady pa palapšeńni materyjalnaha žyćcia ludziej.
Dla čaćviortych epocha «adlihi» — heta, pierš za ŭsio, karybski kryzis, calina, kukuruznaja epapieja i prahrama pabudovy kamunizmu. Narešcie, piatyja ŭ centr uvahi źmiaščajuć duchoŭnaje abnaŭleńnie hramadstva, uźniataja «šaścidziasiatnikami» novaja chvala ŭ litaratury, kiniematohrafie, žyvapisie, teatry.
Z vykarystańniem vialikaj kolkaści archiŭnych pieršakrynic, pieryjadyčnych vydańniaŭ, histaryčnaj litaratury ŭ knizie razhladajecca hety važny pieryjad biełaruskaj savieckaj historyi. Krytyka kultu asoby i reabilitacyja achviar palityčnych represij, asvajeńnie kosmasu i mirnaj atamnaj enierhii, ekanamičnyja reformy i palapšeńnie materyjalnaha žyćcia ludziej, narešcie, sproba farsiravanaj pabudovy kamunizmu niezvarotna źmianili biełaruskaje hramadstva. Sabranyja pad adnoj vokładkaj raznastajnyja siužety stvarajuć stereaskapičnuju karcinu žyćcia tahačasnaha biełaruskaha socyumu, raskryvajuć unutranuju łohiku jaho raźvićcia. Vydańnie raźličana na śpiecyjalistaŭ-historykaŭ, vykładčykaŭ, studentaŭ, a taksama ŭsich, chto cikavicca historyjaj Biełarusi najnoŭšaha času.
Uvachodny bilet: 3 rubli.
Minskaja haradskaja ratuša
pł. Svabody, 2A
+375 17 270 43 66
minskmuseum.by
Knihu možna kupić praz sajt Kniger.by. A taksama ŭ kramie ŭ samym centry Mienska: HC «Kupałaŭski» pad Kastryčnickaj płoščaj, ralety 41-42 (stancyi mietro Kupałaŭskaja i Kastryčnickaja), čas pracy z paniadziełka pa piatnicu z 11 da 18.30, subota z 11 da 17, niadziela z 11 da 16.
-
Ksiondz kaścioła ŭ Župranach hruntoŭna adkazaŭ na pretenzii pra ramont u chramie, dzie pachavany Bahuševič
-
Uładzimir Niaklajeŭ z nahody svajho 80‑hodździa napisaŭ sabie niekrałoh — žartaŭlivy i fiłasofski
-
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary