U vydaviectvie «Biełaruskaja navuka» ŭ miežach pracy Instytuta mastactvaznaŭstva, etnahrafii i falkloru imia Kandrata Krapivy NAN Biełarusi vyjšła kalektyŭnaja manahrafija «Staraviery Biełaruskaha Paazierja: historyja i kultura», piša bellit.info.
Ładnaja častka amal 500‑staronkavaha vydańnia napisanaja Uładzimiram Aŭsiejčykam, znaŭcam pachavalnych i paminalnych praktyk biełaruskaha Padźvińnia i vakolic, jaki ŭžo praciahły čas zajmajecca vyvučeńniem staravierskaj kultury.
Siarod aŭtaraŭ knihi taksama daśledčycy Taćciana Vałodzina, Volha Łabačeŭskaja, Volha Afanaśjeva, Śviatłana Lavonćjeva, jakija napisali raździeły pra zamoŭnuju tradycyju, narodny tekstyl, abrazy i knižnuju kulturu.
Vydańnie maje bahaty ilustratyŭny materyjał, dzie aprača zvykłych archiŭnych i ekśpiedycyjnych fatahrafij, šyroka vykarystany siamiejnyja fota samich staravieraŭ, u tym liku ŭ raździele, pryśviečanym pachavańniam, apublikavana kala dvuch dziasiatkaŭ pachavalnych zdymkaŭ.
Knihu ŭžo možna nabyć u «Akademičnaj knizie» ŭ Minsku.
Kamientary