Žychara Babrujska paśla viartańnia z Polščy asudzili na 7 hadoŭ kałonii nibyta za stvareńnie dvuch telehram-čataŭ
U Mahiloŭskim abłasnym sudzie 27 vieraśnia asudzili palitźniavolenaha Maksima Chvaščynskaha. Jaho sudzili pavodle č. 2 art. 367 (paklop na Łukašenku), č. 1, 2 art. 361-1 (stvareńnie ekstremisckaha farmavańnia abo ŭdzieł u im) Kryminalnaha kodeksa, piša «Viasna».
Maksim Chvaščynski
Sudździa Ihar Šviedaŭ pryznačyŭ Maksimu Chvaščynskamu siem hadoŭ pazbaŭleńnia voli ŭ kałonii va ŭmovach ahulnaha režymu.
Chvaščynskaha zatrymali sioleta 26 lutaha — na nastupny dzień pa viartańni z Polščy. Spačatku jamu pryznačyli administracyjny aryšt za raspaŭsiud «ekstremisckich materyjałaŭ», paśla čaho zaviali kryminalnuju spravu za «paklop na Łukašenku» i «stvareńnie ekstremisckaha farmavańnia».
Kamientary