Žychara Kruhłaha asudzili da troch hadoŭ kałonii za kamientary pra Łukašenku
Sud Kruhlanskaha rajona asudziŭ miascovaha žychara Uładzimira Paraškova da troch hadoŭ kałonii pa artykule ab paklopie na Łukašenku (art. 367 KK), piša «Viasna». Spravu razhladała sudździa Taćciana Sidarovič.
Pavodle materyjałaŭ spravy, Paraškoŭ pisaŭ kamientary pad dopisami na jutubie i ŭ instahramie, u jakich abvinavačvaŭ Łukašenku «ŭ ździajśnieńni ciažkich i asabliva ciažkich złačynstvaŭ». Adznačajecca, što kamientary mužčyna pačaŭ pakidać jašče da vybaraŭ 2020-ha hoda — tak, pieršyja ź ich datujucca listapadam 2019 hoda.
15 kastryčnika Mahiloŭski abłasny sud razhledzieŭ apielacyjnuju skarhu Uładzimira. Pa vynikach pracesu pieršapačatkovy prysud byŭ pakinuty bieź źmienaŭ.
Viadoma, što ŭ hetym krasaviku Uładzimir Paraškoŭ pryciahvaŭsia da administracyjnaj adkaznaści za «raspaŭsiud ekstremisckich materyjałaŭ».
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
Usio pravilna čałaviek napisaŭ. Luby, chto adčynić Kryminalny Kodeks, moža pabačyć na ŭłasnyja vočy, kolki artykułaŭ Kryminalnaha Kodeksa parušyŭ Łukašenka.
U tym liku takich, za jakija pałožana pažyćciovaje źniavoleńnie i śmiarotnaje pakarańnie.