U Karmie błohier zachaplaŭsia viertalotam Łukašenki. Ciapier jaho sudzili za ekstremizm
Alaksandr Pietračkoŭ byŭ zorkaj rajonnaj prapahandy, ale zaraz atrymaŭ administratyŭku.
Karmianskaha błohiera Alaksandra Pietračkova sudzili pa administracyjnym artykule za «raspaŭsiudžvańnie, vyrab, zachoŭvańnie, pieravozku infarmacyjnaj pradukcyi, jakaja źmiaščaje zakliki da ekstremisckaj dziejnaści, albo jakaja prapahanduje takuju dziejnaść», imavierna, za reposty. Rašeńnie, jakoje vynies staršynia suda Karmianskaha rajona Andrej Aŭsiejcaŭ, pakul nieviadomaje, paviedamiła «Homielskaja Viasna».
Pietračkoŭ viadomy jak praŭładny błohier i aktyvist, jaho prasoŭvała rajonka «Zara na Sožam». Redakcyja nazyvała jaho «miascovaj znakamitaściu» i navat vyrabiła dla Pietračkova imianny bejdž z QR-kodam-spasyłkaj na jahony akaŭnt, piša «Fłahštok».
Alaksandr aktyŭna aśviatlaŭ praŭładnyja mierapryjemstvy, a taksama byŭ družyńnikam — zmahaŭsia z parušalnikami paradku i «likvidavaŭ nastupstvy viačernich sustreč moładzi».
Pietračkoŭ aktyŭna vioŭ instahram na 1194 padpisčyki. Adzin ź jaho apošnich pastoŭ pryśviečany «Dažynkam» z udziełam Łukašenki.
Błohier apublikavaŭ fota viertalota z podpisam: «Histaryčny momant! Viertalot Prezidenta Respubliki Biełaruś Alaksandra Łukašenki nad Karmianščynaj! Karmiancy, jakija źviedali buru radasnych emocyj ad sustrečy z Kiraŭnikom dziaržavy, ličać heta ščaślivym znakam!»
Instahram Pietračkova nie abnaŭlajecca ŭžo bolš za tydzień.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior11
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary