U ZŠA FBR i Ahienctva pa infrastrukturnaj i kibierbiaśpiecy paviedamili ab rasśledavańni faktu atrymańnia kitajskimi chakierami dostupu da amierykanskich telekamunikacyj.
Havorka idzie pra sprobu chakieraŭ atrymać dostup da telefonaŭ kandydata ŭ prezidenty ad Respublikanskaj partyi Donalda Trampa i kandydata ŭ vice-prezidenty Džej Dzi Vensa, piša Rasijskaja słužba Radyjo Svaboda.
Kitajskija chakiery taksama płanavali atrymać dostup da telefonaŭ ludziej, źviazanych z vybarčaj kampanijaj demakrata Kamały Charys.
Pavodle danych The New York Times, apieracyja taksama była nakiravana na pryłady, jakija naležać sienataru-demakratu Čaku Šumieru.
Śledčyja sprabujuć vyśvietlić, jakija danyja mahli być vykradzienyja ŭ vyniku ŭzłomu z boku kitajskich chakieraŭ. The New York Times adznačaje, što, vierahodna, chakiery sprabavali ŭzłamać sistemy amierykanskaj telekamunikacyjnaj kampanii Verizon.
Kamientary