Na kanfierencyju pa biaśpiecy ŭ Minsk pryjedzie ministr zamiežnych spraŭ Vienhryi
Na druhoj Minskaj mižnarodnaj kanfierencyi pa jeŭrazijskaj biaśpiecy vystupiać 14 vysokapastaŭlenych haściej, u tym liku kiraŭniki MZS Vienhryi, Rasii i Siryi. Mierapryjemstva projdzie z 31 kastryčnika pa 1 listapada ŭ Minsku. Pra heta 28 kastryčnika paviedamiŭ pres-sakratar MZS Biełarusi Anatol Hłaz.
Pavodle słoŭ Anatola Hłaza, u piatnicu była zavieršanaja aficyjnaja rehistracyja, i ciapier u Minsku čakajuć kala 600 udzielnikaŭ.
«Heta vysokapastaŭlenyja hości z usioj našaj vialikaj Jeŭrazii, pradstaŭniki krain ABSIE, SND, ŠAS, kiraŭniki šerahu mižnarodnych arhanizacyj, kiraŭniki i vysokapastaŭlenyja ekśpierty viadučych «fabryk dumki» ŭsiaho jeŭrazijskaha rehijonu», — skazaŭ Hłaz.
Čakajecca, što ŭdzielnikami kanfierencyi stanuć pradstaŭniki 45 krain, adnym z samych važnych dla režymu Łukašenki, viadoma, stanie adziny pradstaŭnik krainy Jeŭrasajuza — ministr zamiežnych spraŭ Vienhryi Pieter Sijarta. Jahonaje vystupleńnie zapłanavana na 31 kastryčnika padčas adkryćcia kanfierencyi.
Akramia Sijarta, na hetaj «siesii vysokaha ŭzroŭniu» płanujucca taksama vystupleńni jašče 13 vysokapastaŭlenych haściej, «u tym liku kiraŭnikoŭ MZS Rasii, Siryi, hienieralnaha sakratara ADKB, hienieralnaha sakratara SND, dziaržsakratara Sajuznaj dziaržavy».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary