U Biełarusi vybrali raślinu 2025 hoda. Na jaje tačyła zuby Volha Bondarava
Raślinaj 2025 hoda ŭ Biełarusi stanie vasilok sini, paviedamili ŭ Instytucie ekśpierymientalnaj bataniki imia Kupreviča NAN Biełarusi. Pieramožcu vybirali z dapamohaj anłajn-hałasavańnia, u jakim moh udzielničać luby achvotny.
Hałoŭnymi kankurentami vasilka hetym razam byli čabor zvyčajny i vieras zvyčajny.
Raślinu hoda vybirajuć, kab pryciahnuć uvahu ludziej da dzikarosłych raślin Biełarusi, ich prablem i nieabchodnaści zachavańnia miescaŭ, dzie jany rastuć.
U Biełarusi naličvajecca kala 11 vidaŭ vasilkoŭ, prykładna pałova — miascovyja. Radzimaj siniaha vasilka ličycca Paŭdniovaja Jeŭropa.
Hod tamu, darečy, suprać vasilka była mocna apałčyłasia viadomaja danosčyca Volha Bondarava. Pavodle jaje dziŭnaj łohiki, hetaja pryhožaja kvietka maje dačynieńnie da nacyzmu:
«Jakija byli simvały ŭ biełaruskich nacystaŭ pad Hitleram? BČB i vasilok», — zajaviła danosčyca, čym vyklikała ironiju z boku bolš pamiarkoŭnych pradstaŭnikoŭ praŭładnaha łahieru.
Raślinaj 2024 hoda była abranaja son-trava.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary