Lehienda suśvietnaj muzyki, na rachunku jakoha 28 premij «Hremi», praca z Majkłam Džeksanam, Frenkam Sinatraj i Rejem Čarlzam, pamior va ŭzroście 91 hoda, piša Bi-bi-si.
Za svaju bolš čym 70-hadovuju karjeru Kvinsi Džons atrymaŭ 28 premij «Hremi» i byŭ naminavany na jaje 80 razoŭ. Akramia hetaha, Džons mieŭ dźvie hanarovyja premii «Oskar» i «Emi» za sieryjał «Karani». Jon taksama atrymaŭ francuzski orden Hanarovaha lehijona, premiju Rudolfa Valancina ad Italjanskaj Respubliki i ŭznaharodu centra Kenedzi za ŭkład u amierykanskuju kulturu.
Kvinsi Džons staŭ adnym ź pieršych paśpiachovych u Halivudzie čarnaskurych pradziusaraŭ i ŭdzielničaŭ u stvareńni šerahu hałoŭnych piesień u historyi Amieryki.
Pačynajučy z 60-ch hadoŭ, Kvinsi Džons pracavaŭ z Frenkam Sinatram, Pehi Li, Aretaj Franklin, Donaj Samier, Ełaj Fitcdžerałd, Łui Armstronham i inšymi znakamitymi vykanaŭcami.
Adnak, mabyć, samaja viadomaja jahonaja praca jak pradziusara — heta pradziusavańnie alboma Majkła Džeksana Thriller ŭ 1982 hodzie. Džons taksama spradziusavaŭ i dva inšyja albomy Džeksana — Off The wall i Bad.
Kvinsi Džons napisaŭ muzyku dla bolš za paŭsotni filmaŭ i teleprahram. U kancy 1980-ch Džons zasnavaŭ svoj łejbł, a zatym pašyryŭ kampaniju dla pracy ŭ kino i TB.
U 2013 hodzie Džons byŭ uviedzieny ŭ Zału słavy rok-n-rołu, a časopis Time nazvaŭ jaho adnym z samych upłyvovych džaz-muzykaŭ XX stahodździa.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary