15 hadoŭ tamu pradprymalnik Siarhiej Kajharodaŭ uviazaŭsia ŭ niezvyčajny prajekt. Kupiŭ stary, znošany debarkadar i vyrašyŭ zrabić ź jaho hatel. Što z hetaha vyjšła, raskazvaje Belka.
Siońnia Siarhiej Kajharodaŭ z honaram pravodzić ekskursiju pa sudnie. Jon zrabiŭ ramont, nie parušyŭšy pry hetym ahulnuju kancepcyju — pakinuŭ poŭnaściu aŭtentyčnyja elemienty afarmleńnia, naprykład, drapavuju abšyŭku ścien i staryja vyklučalniki.
Ale kab pryvieści ŭ paradak takuju machinu, jakaja nie viedała ramontu bolš za 40 hadoŭ, jamu spatrebiłasia niamała sił i srodkaŭ.
Debarkadar byŭ pabudavany na vierfi ŭ Šaciłkach (ciapier heta Śvietłahorsk) u 1958 hodzie. Asnova ŭ jaho žalezabietonnaja, nadbudova draŭlanaja. Spačatku sudna było trochuzroŭnievym. Ale paśla, kab debarkadar moh prachodzić pad mastami, vierchni pavierch pryjšłosia źniać.
Kala 20 hadoŭ płatforma vykarystoŭvałasia ŭ Babrujsku jak račny vakzał. Potym jaje transpartavali ź Biareziny na Dniapro. Paśla hetaha sudna pierajšło va ŭłasnaść Biełaruskaha mietałurhičnaha zavoda i navat niejki čas kursiravała pa maršrucie «Rahačoŭ — Babrujsk». A potym debarkadar kančatkova sieŭ na miel. Jon stajaŭ, stareŭ niekalki hadoŭ, pakul nie źmianiŭ uładalnika, jaki i ŭdychnuŭ u jaho novaje žyćcio.
Siońnia heta płyvučy hatel, numarny fond składajecca z 40 pakojaŭ-kajut.
Unutry pamiaškańni vyhladajuć davoli askietyčna. Naprykład, u ich z pryncypovych mierkavańniaŭ niama televizara. Jon tut i ni da čaho, upeŭnieny ŭładalnik. Bo vakoł (a heta 100 km ad Homiela) nievierahodnyja pa svajoj pryhažości piejzažy. Takoha pa televizary ŭžo dakładna nie pakažuć.
Zabraniravać numar možna praz Instagram. Ale adpačynak siezonny — u chałodny pieryjad zajaŭki ad haściej nie prymajucca, bo debarkadar nie aciaplajecca. Ciapier siudy možna budzie trapić tolki viasnoj.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec30
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary