Charys i Bajden pavinšavali Trampa ź pieramohaj i abmierkavali ź im pieradaču ŭłady
Vice-prezidentka ZŠA Kamała Charys patelefanavała Donaldu Trampu i pavinšavała jaho ź pieramohaj na prezidenckich vybarach, piša Associated Press sa spasyłkaj na adnaho z vysokapastaŭlenych pamočnikaŭ Charys. Padčas razmovy baki taksama abmierkavali važnaść mirnaj pieradačy ŭłady.
«Prezident Donald Tramp i vice-prezidentka Kamała Charys praviali telefonnuju razmovu, padčas jakoj jana pavinšavała jaho z histaryčnaj pieramohaj. Prezident Tramp adznačyŭ siłu, prafiesijanalizm i nastojlivaść vice-prezidentki Charys padčas kampanii, i abodva lidary syšlisia ŭ mierkavańni pra važnaść abjadnańnia krainy», — paviedamiła pres-słužba Trampa.
Jak paviedamlaje CNN sa spasyłkaj na daśviedčanuju krynicu, Charys płanuje vystupić u Hovardskim univiersitecie ŭ 16:00 pa miascovym časie (00:00 pa Minsku).
Pavodle infarmacyi kanała, jana zakliča svaich prychilnikaŭ pryniać vyniki hałasavańnia i zakranie temy, uźniatyja padčas pieradvybarnaj kampanii. Charys taksama zajavić pra važnaść abjadnańnia krainy i pošuku «ahulnaj hleby».
Śledam za Charys Trampu patelefanavaŭ dziejny prezident ZŠA Džo Bajden. Jon taksama pavinšavaŭ Trampa ź pieramohaj na vybarach i zaprasiŭ u Bieły dom, kab abmierkavać pieradaču ŭłady.
78-hadovy Donald Tramp atrymaŭ pieramohu na vybarach prezidenta ZŠA, atrymaŭšy 277 hałasoŭ vybarščykaŭ — na 7 bolš za minimalna nieabchodnuju kolkaść. Jaho sapiernica ad Demakratyčnaj partyi Kamała Charys nabrała 224 hałasy.
Pavodle źviestak Bloomberg, za Trampa prahałasavali 71,7 miljona amierykancaŭ, a za Charys — 66,7 miljona.
Paźniak pavinšavaŭ Trampa ź pieramohaj
Łukašenka zajaviŭ pra podźvih Trampa i pažadaŭ Amierycy «znoŭ stać vialikaj»
Tramp: «Hospad vyratavaŭ majo žyćcio nie prosta tak!» «Heta budzie załaty viek dla Amieryki» VIDEA
Sacyjałahičny analiz: chto padtrymaŭ Trampa, a chto — Charys
Kali Ukraina zachavaje suvierenitet uzamien za niejtralnaść, što heta budzie značyć dla Biełarusi?
Cichanoŭskaja pavinšavała Trampa ź pieramohaj na vybarach
Uładzimir Zialenski pavinšavaŭ Donalda Trampa
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?
Kamientary