Ździvicie siamju i siabroŭ hetaj cudoŭnaj viačeraj z traski.
Kab pryhatavać trasku, spatrebicca:
- 600 h file traski, vyčyščanaj ad skury i kostak
- 1 st. ł. masła
- alej — najlepš aliŭkavy
- sol i pierac
Dla harbuzovaha piure:
- 500 h harbuza
- 2 st. ł. aleju — najlepš kali aliŭkavaha
- 2 zubčyki časnaku
- 2 st. ł. masła
- 1 st. ł. viarškoŭ
- vada
Marynavany harbuz:
- 100 h harbuza
- 100 mł jabłyčnaha vocatu
- 100 mł vady
- 100 h cukru
Dla harniru z brusielskaj kapusty:
- brusielskaja kapusta
- alej, sol
Sous:
- 100 h masła
- 4 st. ł. sojevaha sousu
- 1 łajm
Jak hatavać:
Pačnicie z narazańnia ryby na kavałki vahoj prykładna 150 hramaŭ.
Prypraŭcie sollu i piercam.
Absmažcie na siarednim ahni z alejem kala 1-2 chvilin. Źmienšycie ahoń i dadajcie masła. Palicie trasku masłam i hatujcie jašče chvilinu.
Harbuzovaje piure:
Abiarycie harbuz i narežcie jaho nievialikimi kubikami. Absmažcie z drobna narezanym časnakom i aliŭkavym alejem.
Dadajcie vadu i tušycie harbuz da miakkaści. Źlicie trochi vadkaści i źmiašajcie da adnastajnaj masy z masłam i śliŭkami z dapamohaj miksiera.
Prypraŭcie pa huście sollu i piercam.
Marynavany harbuz:
Abiarycie harbuz i narežcie tonkimi pałoskami.
Źmiašajcie vocat, vadu i cukar.
Daviadzicie da kipieńnia, pierš čym zalivać hetaj sumieśsiu pałoski harbuza.
Brusielskaja kapusta:
Vymyjcie i ačyścicie kapustu.
Padzialicie na drobnyja liściki.
Chutka absmažcie na patelni na mocnym ahni z masłam.
Prypraŭcie sollu na svoj smak.
Sous:
Rastapicie masła i absmažcie na patelni da arechava-karyčnievaha koleru. Dadajcie sojevy sous i sok łajma.
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu19
Kamientary
I, zaŭvažcie, heta ŭ toj čas(!), kali jość navat dastaŭka z restaranaŭ i kafe! Rabicie vysnovy...:)