Karcinu aŭstryjskaha mastaka Hustava Klimta «Partret Elizabiet Lederer» pradali na aŭkcyjonie Sotheby’s za 236,4 miljona dalaraŭ. Imia pakupnika nie nazyvajecca, piša Bloomberg.
U tarhach udzielničali šeść čałaviek, jakija zmahalisia za kuplu karciny na praciahu 20 chvilin. Partret staŭ samym darahim tvoram sučasnaha mastactva, kali-niebudź pradadzienym na aŭkcyjonie, adznačyli ŭ Sotheby's.
Karcina naležała kalekcyjanieru Leanardu Łaŭderu. Jana zachoŭvałasia ŭ jaho domie ŭ Ńju-Jorku. U červieni 2025‑ha Łaŭder pamior va ŭzroście 92 hadoŭ. Usiaho na aŭkcyjonie hetym viečaram było pradadziena piać rabot Klimta ź jaho kalekcyi. Ahulnaja suma skłała 392 miljony dalaraŭ.
Partret 20‑hadovaj Elizabiet Lederer — dački aŭstryjskaha pramysłoŭca i miecenata, jaki padtrymlivaŭ i Klimta — mastak napisaŭ u pieryjad z 1914 pa 1916 hod. U 1918‑m jon pamior, a partret staŭ častkaj kalekcyi, jakaja zachoŭvałasia ŭ zamožnaj jaŭrejskaj siamji ŭ Vienie.
Kamientary
Kab heta mieła prybytak ci pierśpiektyvu inviestara Bafiet uvieś Łuvr z Ermitažem u dadatak skupił ))) a jen u keše zachoŭvaje , kitajskimi elektromabila skončył.