Nul parušeńniaŭ: mihranty nie sprabavali nielehalna pierajści miežy Litvy, Łatvii i Polščy
Pamiežnyja słužby Polščy, Litvy i Łatvii nie zarehistravali ŭčora nivodnaj sproby nielehalnaha pierasiačeńnia miažy z boku Biełarusi.
Pamiežnaja achova Polščy paviedamiła pra nulavuju statystyku parušeńniaŭ druhi dzień zapar. Padobnaja situacyja fiksavałasia ŭ piatnicu, 14 listapada, a da hetaha — bolš jak paŭhoda tamu.
Litoŭskaja pamiežnaja słužba apošni čas zvyčajna nie sutykajecca z parušalnikami, ich atakujuć kantrabandnymi mieteazondami.
Dla łatvijskaha ŭčastka miažy takaja situacyja ciapier naohuł nietypovaja. Zvyčajna łatvijskija pamiežniki paviedamlajuć pra dziesiać i bolš sprobaŭ parušeńniaŭ za dzień.
Takim čynam, na ŭsich troch učastkach źniešniaj miažy ES i Biełarusi ŭ aŭtorak nazirałasia niezvyčajnaja cišynia.
Nočču 17 listapada Polšča, jakaja spadziajecca na vyzvaleńnie ź biełaruskaj turmy polskaha aktyvista Andžeja Pačobuta, adkryła dva pierachody na biełaruskaj miažy.
Litva ž razhladaje mahčymaść adkryćcia dvuch zakrytych punktaŭ propusku na miažy ź Biełaruśsiu jašče da kanca listapada.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja30
Kamientary