Capkała raskazaŭ, što na hrečaskaj miažy jaho abvinavacili ŭ kradziažy aŭtamabila
Były kiraŭnik Parka vysokich technałohij i pretendent u kandydaty na vybarach 2020 hoda raskazaŭ ab precedencie, jaki zdaryŭsia ź im u Jeŭropie z-za palityčnaha pieraśledu ŭ Biełarusi.
U svaim telehram-kanale Capkała napisaŭ, što kala dvuch miesiacaŭ tamu pry pierasiačeńni ałbana-hrečaskaj hranicy jaho abvinavacili ŭ kradziažy svajoj ža mašyny na padstavie «čyrvonaj adznaki» Interpała. Aŭto było kanfiskavanaje, a biełarusaŭ adpravili na dopyty.
«Čyrvonaja adznaka» infarmuje ŭłady čalcoŭ Interpała pra toje, što ŭ inšaj krainie asoba abjaŭlenaja vyšuk. Pa instrukcyi, takoha čałavieka treba aryštavać i ekstradavać tudy, dzie jaho vyšukvajuć.
Capkała śćviardžaje, što situacyju vyrašyła ŭmiašańnie ministra ŭnutranych spraŭ Ałbanii Ervina Chodžy, ź jakim u taho papiarednie była sustreča. Ałbanski bok, pa słovach eks-kiraŭnika PVT, daŭ jamu mašynu da Afinaŭ.
Ciapier Valeryj Capkała namierany zmahacca z praktykaj užyvańnia «čyrvonaj adznaki» niedemakratyčnymi režymami, jakaja, na jaho dumku, parušaje prezumpcyju nievinavataści. Jon choča zaručycca padtrymkaj mižnarodnych arhanizacyj i dabicca vyklučeńnia Biełarusi ź Interpała za vykarystańnie svajho členstva ŭ arhanizacyi dla palityčnaha pieraśledu praciŭnikaŭ Łukašenki.
Kamientary
vi jaho (capkały) bijahrafi viedajecie choć krychu?