Paŭlučenka pra viartańnie Pačobuta: «Punkt bifurkacyi, paśla jakoha šmat źmienicca»
Fiodar Paŭlučenka ŭ efiry jutub-kanała «Saša, čto ty niesioš?!» raskazaŭ, čamu ličyć rašeńnie byłoha palitviaźnia Andžeja Pačobuta viarnucca ŭ Biełaruś značnaj palityčnaj padziejaj i jakija nastupstvy jana, na jaho dumku, moža mieć.
«Ja baču ŭ samim hetym pryjeździe vielmi šmat simvalizmu. I ja dumaju, što naohuł heta jahonaje rašeńnie pajechać i pajezdka — heta taki punkt pierałomu, punkt bifurkacyi, paśla jakoha šmat źmienicca», — zajaviŭ Paŭlučenka u žyvym efiry jutub-kanała «Saša, čto ty niesioš?!»
Paŭlučenka nahadaŭ, što paśla adnosna spakojnaha leta vosieńniu aktyvizujucca palityčnyja pracesy jak u rehijonie, tak i ŭ śviecie. Viartańnie Pačobuta ŭ Biełaruś jon razhladaje jak častku hetych pracesaŭ.
«Voś hety pryjezd Andžeja Pačobuta, mnie zdajecca, źjaŭlajecca dastatkova istotnaj častkaj usiaho hetaha palityčnaha pracesu, jaki idzie ŭ rehijonie».
Asablivuju ŭvahu analityk źviarnuŭ na toje, što adbyvajecca paśla pryjezdu Pačobuta. Niahledziačy na represiŭnuju situacyju ŭ krainie i niehatyŭnuju reakcyju prapahandystaŭ, biełaruskija ŭłady jaho nie zatrymali.
«Pryjazdžaje čałaviek, pluje na pahrozy z boku ordenanoscaŭ-prapahandystaŭ, pryjazdžaje ŭ Hrodna. Užo ŭ Azaronka p*rdak łopnuŭ z-za taho, što jon sfatahrafavaŭsia na fonie byłych kazarmaŭ 81‑ha piachotnaha pałka. Apošni punkt abarony horada ŭ vieraśni 1939 hoda».
Adnak značna važniejšym za reakcyju prapahandy, na dumku Paŭlučenki, budzie toje, ci zmoža Pačobut bieśpieraškodna zastavacca ŭ Biełarusi.
«Kali z Pačobutam usio budzie ŭ paradku, to heta, ja b skazaŭ, adkryvaje darohu dla doŭhahrajučych vysnoŭ.
Usio kryčyć pra toje, što pryjezd Pačobuta pavinien byŭ spravakavać reakcyju z boku Kramla. Ja (…) kažu pra kurataraŭ, jakija kankretna kantralujuć biełaruskuju situacyju».
Paŭlučenka ličyć, što dla hetych ludziej sam fakt viartańnia Pačobuta ŭ Biełaruś pavinien być «całkam nieprymalnym».
«Na fonie taho, što Kreml sabie sprabuje dazvolić zrabić, pryjezd Pačobuta, pryčym prosta z vyklikam, pavinien pryvieści da niejkaj advarotnaj reakcyi. (…)
Dyk voś, kali hetaj reakcyi nie nastupić, kali jon spakojna pryjedzie i vyjedzie, to možna budzie kazać (ja sam nie čakaŭ, što heta skažu), pra peŭnuju samastojnaść Łuk[ašenk]i ŭ niejkich pytańniach».
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary
[Zredahavana]