Praŭładny palitołah zajaviŭ, što Polšča robić ź Biełarusi voraha, bo ŭ jaje niama kasmanaŭtaŭ
U efiry ANT telepiersanažy abmiarkoŭvali suśvietnyja naviny. U pryvatnaści, vybary ŭ Małdovie i ZŠA, a taksama pačatak budavańnia palakami «Uschodniaha ščytu» na miažy ź Biełaruśsiu i Polščaj.
U kantekście adnosin Biełarusi i Polščy zahadčyk kafiedry dziaržaŭnaha kiravańnia Akademii kiravańnia Alaksandr Markievič pasprabavaŭ patłumačyć prydumanuju ŭ studyi teoryju pra toje, što ŭ Polščy robiać ź Biełarusi voraha.
Markievič upeŭnieny, što da pačatku vajny va Ukrainie Polšča žyła za košt jeŭrapiejskich datacyj, a paśla stała «kvazidziaržavaj ZŠA», jakija realizujuć polskuju palityku.
Paśla jon pryjšoŭ da paradaksalnaj vysnovy, što paśla ŭrehulavańnia ci zakančeńnia vajny va Ukrainie «Polšča budzie nastupnaj». Tamu tam aktyŭna pravodziać pieraŭzbrajeńnie, a ekanomika raźvivajecca ŭ tym liku za košt zachodnich kredytaŭ.
Kulminacyjaj razvah Alaksandra Markieviča staŭ adkaz na pytańnie, čamu Biełaruś — vorah dla zachodniaj susiedki. Sam palitołah bačyć adkaz u tym, što palakam nibyta niama čym pachvalicca.
«Jakija dasiahnieńni jość u Polščy ŭ hłabalnym płanie? Tak, u ekanomicy jana pakul jašče trymajecca. A jakija dasiahnieńni? Biełaruś pabudavała atamnuju stancyju, a Polšča tolki źbirajecca. Polskija kasmanaŭty jość? Jość Mirasłaŭ Hiermašeŭski. Ale heta jašče sacyjalistyčnaja Polšča. My ŭ kosmas palacieli. IT-technałohii raźvivajucca. Čym im hłabalna hanarycca? Tym, što ŭkrainskich biežancaŭ prymajuć, a ciapier vykidvajuć. Voś i ŭsio, tamu realnych dasiahnieńniaŭ niama. Patrebien vobraz voraha», — zajaviŭ telepiersanaž.
VUP Polščy ŭ 2023 hodzie skłaŭ 811 miljardaŭ dalaraŭ, Biełarusi — 72 miljardy. Siaredni zarobak u Polščy składaje bolš za 1800 dalaraŭ, u Biełarusi — 700.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
RB viedut po tomu žie puti.