Prankier, jaki pierad refierendumam dresiravaŭ biełaruskich piedahohaŭ, vyjšaŭ na rasijski prastor. I znoŭ paśpiachova
Biełaruski prankier Uład Bochan, jaki pierad niadaŭnim «refierendumam» u Biełarusi staŭ viadomy tym, što rassyłaŭ ad imia dziaržaŭnych arhanizacyj u škoły patrabavańni kalektyŭna zdymacca z praŭładnymi łozunhami i simvolikaj dy dasyłać jamu na elektronnuju poštu spravazdačy, pravioŭ toj ža fint z rasijskimi piedahohami. I znoŭ paśpiachova.
Bochan, jaki źjechaŭ ź Biełarusi ad palityčnaha pieraśledu i ciapier žyvie ŭ Polščy, dasłaŭ hetym razam list u škołu padmaskoŭnaha horada Klin. U liście jon zapatrabavaŭ pravieści akcyju «Praca vyzvalaje» ad imia «rehijanalnaha adździaleńnia partyi «Adzinaja Rasieja» i dasłać fotaspravazdaču. Efiekt byŭ toj ža, što i ŭ Biełarusi: na nastupny dzień Bochan atrymaŭ zdymki.
Sam Uład svaju akcyju rozyhryšam nie ličyć: «Heta nie prank, bo meta pranka — śmiech. Heta ž — akcyja, jakaja vykryvaje strašnuju i absurdnuju ironiju rečaisnaści, jakaja adbyłasia vakoł nas», — napisaŭ jon.
Ź im možna pahadzicca choć by tamu, što frazy «Adzin narod, adna nacyja, adzin praviciel» i «Praca vyzvalaje» — zusim nie vypadkovyja. Ich (Ein Volk, ein Reich, ein Führer i Arbeit macht frei) aktyŭna vykarystoŭvali ŭ svajoj prapahandzie niamieckija nacysty. Frazu Arbeit macht frei jany siarod inšaha cynična pisali i na bramach mnohich kancłahieraŭ, u tym liku tych, dzie masava źniščali ni ŭ čym nievinavatych ludziej. Ale navat u piedahohaŭ u krainie, dzie šmat hadoŭ pašyrany aficyjozny maštabny kult «Vialikaj Ajčynnaj vajny», nijakich asacyjacyj i paralelaŭ u suviazi z hetym nie ŭźnikaje.
Čytajcie taksama:
Prankiery płanujuć novyja akcyi «ŭ padtrymku refierendumu», ułady zaklikajuć pavysić pilnaść
U škoły razasłali fejkavyja listy nibyta ad «Biełaj Rusi» z patrabavańniem pravieści akcyi za refierendum. Nastaŭniki padparadkavalisia
Chakiery prykinulisia čynoŭnikami i adpravili biudžetnikam hazietu z Babarykam na pieršaj staroncy z prośbaj jaje pačytać. «Daručeńnie» vykanali
-
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju
-
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
-
Kavieryn vybačyŭsia za prapanovu eratyčnaj fotasiesii dla Cichanoŭskaj
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary