Paetku i barda Vieraniku Dolinu zatrymali ŭ aeraporcie «Žukoŭski» ź nibyta niezadekłaravanymi lekami.
Vieraniku Dolinu zatrymali ŭ aeraporcie 12 listapada, kali jana pryjechała z Tel-Aviva.
U paetesy znajšli nibyta niedekłaravanyja mocnadziejnyja leki — preparaty «Ivałhin», «Tramadoł», «Sumatryptan», a taksama preparaty z utrymańniem kadeinu i brocizałamu. Blizkija da rasijskich siłavikoŭ kanały paviedamlali, što razhladajecca pytańnie ab kryminalnaj spravie.
Mytniki zajavili, što pieravozka takich lekaŭ patrabuje dekłaracyi. Dolina śćviardžaje, što jana vozić hetyja preparaty z saboj na praciahu mnohich hadoŭ i maje recept, piša «Novaja hazieta».
Paźniej Dolinu adpuścili dadomu pad abaviazacielstva ab jaŭcy. Razam z advakatam jana budzie raźbiracca ŭ situacyi.
Vieranika Dolina — vykanaŭca aŭtarskaj pieśni i paetesa. Jaje syn Anton Dolin— viadomy rasijski kinakrytyk. Jon byŭ vymušany źjechać z Rasii z-za antyvajennaj pazicyi. U 2022 hodzie rasijskija ŭłady pryznali jaho zamiežnym ahientam.
Kamientary