Kanapackaja śćviardžaje, što jaje kamanda źbiraje ŭ dzień minimum pa čatyry tysiačy podpisaŭ
Siužet pra toje, jak patencyjnaja kandydatka ŭ prezidenty źbiraje podpisy, byŭ pakazany viečaram u navinach na «Biełaruś-1».
Kanapackaja zajaviła, što jaje kamanda źbiraje minimum pa čatyry tysiačy podpisaŭ za dzień.
«Maja kampanija składajecca z prafiesijanałaŭ, jakija prajšli nie adnu kampaniju pa zbory podpisaŭ… My pracujem pa ŭsich rehijonach. Dla členaŭ majoj kampanii ŭstanoŭlena minimalnaja płanka — 4 tysiačy podpisaŭ u dzień, i mahu skazać, što hety płan vykonvajecca i pieravykonvajecca, i siońnia (u piatnicu) ja atrymlivała ŭ CVK dadatkovyja pakiety dla zboru podpisaŭ, bo my apieradžajem hrafik dla zboru», — skazała jana.
Jana taksama padziakavała kiraŭnikam pryvatnych i dziaržaŭnych pradpryjemstvaŭ, jakija vykonvajuć zakanadaŭstva i dazvalajuć zbor podpisaŭ na pracoŭnych miescach.
Pakolki zbor podpisaŭ startavaŭ 7 listapada, to možna mierkavać što kamanda Kanapackaj pa stanie na piatnicu, 22 listapada, sabrała prykładna 60—64 tysiačy podpisaŭ.
Zbor podpisaŭ skončycca 6 śniežnia. Siarhiej Syrankoŭ i Alaksandr Chižniak pakul nie ahučvali ličby.
Raniej kazali, što za Łukašenku ŭžo napisali paŭtara miljona podpisaŭ, a Hajdukievič śćviardžaje, što sabraŭ nieabchodnyja 100 tysiač.
Šumčanku, jakoha nie ŭziali kiroŭcam na «chutkuju», paklikali kiravać štabam Kanapackaj
Kali Kanapackaja stała całkam padkantrolnaja Łukašenku?
Były pamočnik Kanapackaj nastojvaje: u jaje byŭ niamiecki dazvoł na žycharstva, tamu rehistravać jaje kandydatkaj nielha
Vaźniak padtrymaŭ Kanapackuju i zapeŭniŭ, što jana budzie dabivacca vyzvaleńnia palitviaźniaŭ
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary