U Tbilisi prachodzić zajaŭlenaja apazicyjnymi partyjami pratesnaja demanstracyja z patrabavańniem praviadzieńnia paŭtornych parłamienckich vybaraŭ.
Adzin ź lidaraŭ «Kaalicyi za źmieny» Nika Hvaramija abviaściŭ na akcyi ŭ Tbiliskim dziaržaŭnym univiersitecie, što apazicyja pierakryje Płošču Hierojaŭ u Tbilisi da 22:00, piša «Echo Kavkaza».
U hety momant prychilniki i lidary apazicyi pravodziać šeście pa vulicy Varazischievi. Hieorhij Vašadze zaklikaŭ palicyju nie pieraškadžać praviadzieńniu akcyi.
Płošča Hierojaŭ źjaŭlajecca adnym z asnoŭnych vuzłoŭ dla transpartna-aŭtamabilnaha i hramadskaha ruchu ŭ stalicy Hruzii.
Parłamienckija vybary prajšli ŭ Hruzii 26 kastryčnika. Pavodle aficyjnych vynikaŭ, partyja «Hruzinskaja mara» atrymała 89 z 150 miescaŭ u parłamiencie 11-ha sklikańnia.
Usie čatyry apazicyjnyja partyi admovilisia pryznavać vyniki vybaraŭ. Jany zajaŭlajuć, što admoviacca ad svaich mandataŭ. Lidary apazicyi z 4 listapada pravodziać akcyi pratestu, patrabujučy paŭtornych vybaraŭ.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary