Каардынацыйная рада заклікала Літву і Украіну памяняць Верамейчыка на беларускіх шпіёнаў
Каардынацыйная рада выступіла з заяваю па сітуацыі з Васілём Верамейчыкам, затрыманым у В'етнаме і дэпартаваным у Беларусь.
Каардынацыйная рада звяртае ўвагу, што сітуацыя Васіля Верамейчыка патрабуе асаблівай увагі.
Пасля ўдзелу ў пратэстах 2020 года ў Беларусі і пагрозы арышту ён эмігрыраваў ва Украіну, дзе ўступіў у Полк Каліноўскага. У якасці намесніка камандзіра батальёна «Волат» ён удзельнічаў у баях на поўдні і ўсходзе Украіны, быў паранены ў Мікалаеўскай вобласці, узнагароджаны медалём за заслугі.
Таксама Васіль з’яўляецца сузаснавальнікам Асацыяцыі беларускіх добраахвотнікаў. У 2024 годзе ён быў абраны ў Каардынацыйную раду Беларусі.
«Па падставах, якія мы лічым неабгрунтаванымі, у 2023 годзе дэпартамент міграцыі Літоўскай Рэспублікі забараніў Васілю Верамейчыку ўезд на тэрыторыю Еўрапейскага саюза. Гэта вымусіла яго шукаць прытулак у патэйцыйна небяспечных краінах», — піша КР.
Каардынацыйная рада звяртаецца да міжнароднай супольнасці і праваабарончых арганізацый з заклікам прыкласці ўсе намаганні для абароны жыцця і правоў Васіля Верамейчыка.
Каардынацыйная рада заклікала:
— урады краінаў свету спыніць супрацоўніцтва з сілавымі структурамі Рэспублікі Беларусь, у тым ліку прыпыніць дамовы аб экстрадыцыі і прававой дапамозе;
— перагледзець падыходы да прадастаўлення міжнароднай абароны і гуманітарнага ДНЖ беларусам у Літоўскай Рэспубліцы і распаўсюджаннай практыцы прызнання беларусаў «пагрозай для нацыянальнай бяспекі», акцэнтуючы ўвагу на індывідуальных абставінах кожнага выпадку;
– ініцыяваць перамовы з уладамі Беларусі аб магчымым абмене Васіля Верамейчыка на грамадзян Беларусі, асуджаных у Літве і Украіне за шпіянаж у інтарэсах Беларусі.
— урад Украіны прызнаць Васіля Верамейчыка ваеннапалонным і ўключыць ў абменны фонд.
КР заяўляе аб недапушчальнасці экстрадыцыі палітычных актывістаў у Беларусь, дзе яны падвяргаюцца несправядліваму пераследу, і заклікае дэмакратычную супольнасць да скаардынаваных дзеянняў у мэтах абароны Васіля Верамейчыка і прадухілення новых такіх выпадкаў.
«Калі б ён пайшоў па іншым шляху, было б па-іншаму». Камандзір Палка Каліноўскага пракаментаваў сітуацыю з Верамейчыкам
Жонка Верамейчыка: Паспеў напісаць дачцэ адно слова — дэпартацыя
Дэпартамент дзяржбяспекі Літвы: Знаходжанне Верамейчыка на тэрыторыі краіны ўяўляла пагрозу нацыянальнай бяспецы
Аб'явілі збор на падтрымку Васіля Верамейчыка
«Сказаў: я тут нічога прасіць не буду». Жонка расказала, як Верамейчыка прызналі пагрозай у Літве
Былога каліноўца, якога затрымалі ў В’етнаме, імгненна выдалі спецслужбам Лукашэнкі ФОТА
Цяпер чытаюць
33-гадовы беларускі кікбаксёр-чэмпіён памёр ад рэдкай анкалогіі3
Каментары
1. Чаму сваячасова не дамаглі чалавеку калі ведалі пра бяду (пытанне да Егорава, Пракоп'ева, Стрыжака іншых хто ведаў пра забароны і дэпартацыю)?
2. Чыноўнікі Літвы нават не прызналі сваёй памылкі больш таго пачалі адстойваць сваё памылковае рэшанне. Як яны будуць ўключаць ў абмен чалавека які для іх нябыта "пагроза нацыянальнай бяспекі"? Якому ў дадатак яны забаранілі і ўезд у Эўразьвяз? Памылкі сваёй яны не прызналі.
3. Навошта Украіне ўключаць у спіс абмену беларуса які ваяваў за Украіну, мае вайсковыя ўзнагароды і якому яна ж забараніла ўезд ва Украіну?
4. Як бачым рэакцыю што Стрыжака, што з Літвы, што ад некаторых асоб ва Украіне ўсе яны вінавацяць асабіста ваяра ў ягонай бядзе і ніхто з іх не жадае нават на кроплю падзяліць адказнасць за тое што здарылася.
***
Мне вельмі балюча ўся гэта гісторыя. Вялікі жаль. Вельмі хацеў бы памыліцца і вельмі хацеў бы пабачыць яго на свабодзе ў вольнай краіне, а не даведацца са СМІ пра вынесены смяротны прысуд і тое што чалавека хутка растралялі.
***
Што датычыцца Украіны то спадзяюся што ГУР правядзе расследаванне як Верамейчык трапіў пад забарону, што гэта забарона будзе адменена і нейкім цудам ГУР ўдасца выратаваць яго з кіпцюроў лукашызму.