Rasija padmanam viarbuje jemienskich chusitaŭ na vajnu suprać Ukrainy. Adnaho z najmitaŭ pryvabili ŭ RF abiacańniami ab prybytkovaj pracy ŭ śfiery biaśpieki i inžynieryi, paviedamlaje Financial Times.
Jemienskija navabrancy, jakija jeździli ŭ Rasiju, raskazali, što im abiacali vysokaapłatnuju pracu i navat rasijskaje hramadzianstva. Kali jany pryjechali ŭ RF, ich prymusova pryzvali ŭ rasijskuju armiju i adpravili na liniju frontu va Ukrainie.
Amierykanskija dypłamaty kažuć, što pahadnieńnie pamiž Kramlom i chusitami — prykmieta taho, jak daloka hatova zajści Rasija. Jemien — biednaja kraina i dobra padychodzić dla viarboŭki najmitaŭ.
U kantraktach jemiencaŭ ukazana kampanija, zasnavanaja viadomym palitykam-chusitam Abdułvali Abdo Chasanam al-Džabry. Rehistracyjnyja dakumienty pradstaŭlajuć kampaniju jak turapieratara i pastaŭščyka miedycynskaha abstalavańnia i farmaceŭtyčnych preparataŭ.
Viarboŭka najmitaŭ pačałasia ŭ lipieni. Adzin z kantraktaŭ byŭ datavany 3 lipienia i padpisany načalnikam centra adboru kantraktnikaŭ u Nižnim Noŭharadzie.
FT pierapisvałasia z adnym z najmitaŭ u Rasii. Jon vykazaŭ mierkavańnie, što ŭvachodziŭ u hrupu z 200 jemiencaŭ, jakija pryzyvalisia ŭ rasijskuju armiju ŭ vieraśni.
Mužčyna raspavioŭ, što jaho pryvabili ŭ Rasiju abiacańniami ab prybytkovaj pracy ŭ śfiery biaśpieki i inžynieryi, a ŭžo praź niekalki tydniaŭ jon chavaŭsia ŭ lesie na froncie razam z čatyrma inšymi jemiencami. Pa słovach najmita, adzin z mužčyn sprabavaŭ skončyć žyćcio samahubstvam i byŭ dastaŭleny ŭ balnicu.
Raniej ŚMI pisali, što kala 200 afrykanskich žančyn zaraz pracujuć na zavodzie ŭ Tatarstanie na vytvorčaści dronaŭ. Afrykanki śćviardžajuć, što padmanam ich prymusili źbirać bieśpiłotniki.
Nahadajem, pavodle paviedamleńniaŭ paŭdniovakarejskich i ŭkrainskich vajskoŭcaŭ, Paŭnočnaja Kareja nakiravała na vajnu suprać Ukrainy bolš za 10 tysiač svaich vajskoŭcaŭ. Jany prachodzili padrychtoŭku na rasijskich palihonach, a potym ich pierakinuli ŭ Kurskuju vobłaść.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary