Polski sud admoviŭ u ekstradycyi biełaruskaha aktyvista Dźmitryja Pleskačova
28 listapada akruhovy sud Poznani pastanaviŭ admović u ekstradycyi biełarusa Dźmitryja Pleskačova. Sud pryznaŭ, što zapyt ab ekstradycyi aktyvista, jakoha pieraśledvaŭ režym Łukašenki, palityčna matyvavany, paviedamlaje Ofis Śviatłany Cichanoŭskaj.
«Ekstradycyja stała b hrubym parušeńniem pryncypaŭ mižnarodnaha prava. My ŭdziačnyja polskim uładam za ich paśladoŭnuju padtrymku ŭ baraćbie za demakratyčnyja kaštoŭnaści i abaronu pravoŭ biełarusaŭ i biełarusak», — adznačyŭ paśla zakančeńnia pasiadžeńnia Leanid Marozaŭ, daradca Śviatłany Cichanoŭskaj pa pravavych pytańniach.
Važna padkreślić: pradstaŭnik polskaj prakuratury taksama zajaviŭ ab niezakonnaści patrabavańniaŭ režymu Łukašenki ab ekstradycyi.
Admova ŭ ekstradycyi stała mahčymaj dziakujučy zładžanaj pracy demakratyčnych sił i polskaha advakata, jaki pradstaŭlaŭ intaresy Dźmitryja ŭ sudzie.
Ofis Śviatłany Cichanoŭskaj zahadzia atrymaŭ infarmacyju pra hetuju spravu ad pradstaŭnicy APK pa sacyjalnaj palitycy Volhi Zazulinskaj i pravaabarončaj arhanizacyi Dissident.by. Jurydyčnaja kamanda Ofisa akazała nieabchodnuju padtrymku i dapamohu Dźmitryju i prysutničała na pasiadžeńni.
Kamientary