Eks-prezident Polščy: Zamarožany kanflikt budzie trahičnaj viestkaj dla Ukrainy
Zamarožany kanflikt va Ukrainie budzie vyhadny tolki Pucinu, zajaviŭ były prezident Polščy Alaksandr Kvaśnieŭski ŭ intervju LRT.
«Ja liču, što z usich rašeńniaŭ, jakija siońnia abmiarkoŭvajucca, zamarožany kanflikt — heta najhoršy varyjant. Kaniečnie, moža padacca, što jon lepšy za ciapierašniuju vajnu, bo vajna aznačaje hibiel ludziej.
Ale zamarožany kanflikt — heta nie mir, heta tolki zamarožanaja vajna, jakaja, na moj pohlad, budzie vyhadnaja Pucinu. Heta daść jamu čas pierahrupavać vojski, naraścić vytvorčaść bojeprypasaŭ. Dla Ukrainy heta trahičnaja navina, bo jana nie zmoža viarnuć stračanyja terytoryi i płanavać svaju budučyniu, pastajanna znachodziačysia ŭ niapeŭnaści — nie viedajučy, kali vajna znoŭ uzarviecca», — miarkuje palityk.
Jon taksama ličyć, što heta nie dapamoža Ukrainie ŭ pieramovach ź Jeŭrapiejskim Sajuzam.
«Zamarožany kanflikt dla Ukrainy, jaki nie źjaŭlajecca miram, — heta nadzvyčaj niaŭdałaje rašeńnie. Dla nas jon taksama aznačaje vialikuju niapeŭnaść, bo my nie možam pradkazać, kali Pucin znoŭ pačnie vajennyja dziejańni. Treba razumieć, što hałoŭnaja prablema siońnia — nie Ukraina i jaje žadańni i mary, a Pucin i jaho ahresiŭnaja, złačynnaja palityka. Jaho meta — poŭnaściu zachapić Ukrainu. Nie pałovu, nie čverć, a ŭsiu. Jon budzie imknucca da hetaha ŭsimi sposabami. My pavinny heta asensavać. Nielha być naiŭnymi. My pavinny dakładna razumieć, što heta meta Pucina i impieryjalistyčnaj Rasii», — skazaŭ Alaksandr Kvaśnieŭski.
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary