Ołaf Šolc zaklikaŭ svajho hałoŭnaha apanienta «nie hulać u ruskuju ruletku»
Fiederalny kancler Hiermanii Ołaf Šolc zaklikaŭ kiraŭnika apazicyjnaha Chryścijanska-demakratyčnaha sajuza Frydrycha Mierca być aściarožnym adnosna zajaŭ pra mahčymyja pastaŭki dalnabojnych rakiet Taurus Ukrainie i nie «hulać u ruskuju ruletku» ź biaśpiekaj Hiermanii, piša «Jeŭrapiejskaja praŭda».
Vystupajučy na partyjnaj kanfierencyi ŭ Bierlinie, Ołaf Šolc zhadaŭ, što Mierc choča pastavić Rasii, jadziernaj dziaržavie, ultymatum adnosna mahčymych pastavak Taurus.
«Ja mahu tolki skazać: budźcie aściarožnyja! Nielha hulać u ruskuju ruletku ź biaśpiekaj Hiermanii», — zajaviŭ Šolc.
Pavodle jahonych słoŭ, «kali havorka idzie pra pytańni vajny i miru, nieabchodnaja chałodnaja hałava». Sam Šolc pry hetym, maŭlaŭ, zastajecca «ćviordym i ŭraŭnavažanym», i hramadzianie Hiermanii mohuć na heta raźličvać.
Pierad tym, u kastryčniku, Mierc prapanavaŭ kancleru Ołafu Šolcu vystavić Pucinu ultymatum i abmierkavać jaho źmiest ź jeŭrapiejskimi kalehami.
«Jamu treba skazać: kali jon ciaham 24 hadzin nie spynić bambavać cyvilnaje nasielnictva va Ukrainie, tady Hiermanija pavinna adpravić rakiety Taurus, kab źniščyć šlachi zabieśpiačeńnia, jakija hety režym vykarystoŭvaje, kab naškodzić cyvilnamu nasielnictvu Ukrainy», — kazaŭ tady Mierc.
Hiermanija na čale z Ołafam Šolcam paśladoŭna admaŭlajecca pieradavać Ukrainie kryłatyja rakiety Taurus — navat paśla taho, jak svajo dalnabojnaje ŭzbrajeńnie pieradali Vialikabrytanija, Francyja i ZŠA.
Budučym kancleram Hiermanii moža stać multymiljanier. Što heta budzie značyć dla Jeŭropy?
Anhieła Mierkiel zajaviła, što Rasija «nie pavinna vyjhrać vajnu»
Sacyjał-demakraty aficyjna vyłučyli Šolca na pasadu kanclera Hiermanii
Šolc: Užyvańnie Rasijaj novaj hipierhukavaj rakiety aznačaje, što treba paźbiahać eskałacyi
Pazicyja Šolca pa pastaŭkach Ukrainie dalnabojnych rakiet Taurus zastajecca niaźmiennaj
«Niadobryja naviny». Šolc raspavioŭ pra svaju telefonnuju razmovu z Pucinym
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija19
Kamientary